رواية طلقني زوجي
الكاتبة زينب سعيد القاضي
إنتصار بسخرية :لأ والله ما أنت هتسافر شغلك وتسبني هنا.
علي بقلة حيلة :يعني أعمل أيه يا أمي مش أكل عيشي.
إنتصار بسخرية:طيب يا أخويا هتعمل أيه مع السنيورة مريم.
علي بمكر:صبرك عليا وهفرجك هعمل فيها أيه.
إنتصار بسخرية :لما نشوف وأنت يا سي فريد ناوي علي أيه مش ناوي تشتغل بدل ما أنت قاعد ليا في البيت كده زي قرد قطع.
فريد بسخرية:الله يسامحك يعني كنت لقيت شغل ومشتغلتش.
إنتصار بسخرية:والله ما أنت نافع في حاجة أنا راحة أنام عشان أصحي بدري أجهز فطار الصبحية لأختكم لتغادر تاركة أولادها ينظرون لها بإستغراب فمنذ دقائق كانت تبكي والأن تسب وتلعن بهم.
ليضحكوا الأثنين بشدة وبعدها يغادر كلا منهم لغرفته كي ينام.
……..…….بقلم زينب سعيد………..……
في الصباح.
في شقة شريف وندي.
تستيقظ ندي علي طرق عالي علي باب الشقة لتقوم بإيقاظ شريف.
لينهض بغيظ:في أيه يا ندى عايز أيه بتصحيني ليه.
ندي بلهفة :معلشي يا حبيبي بس الباب بيخبط جامد.
شريف بالمبالاة:هتلاقيها أمي .
ندي بغيظ:وأمك تيجي تزورنا يوم صبحيتنا بدري كده ليه.
ليمسكها شريف من زراعها بعنف:لأ يا حلوة كله إلا أمي أنا قايم أفتح لها دقايق وتكون جهزتي وحصلتيني.
ندي بدموع:حاضر ليخرج شريف تاركا ندي تبكي بشدة علي حالها.
……..…….بقلم زينب سعيد………..……
في الخارج.
يفتح شريف الباب لتدخل والدته وأشقائه البنات.
لتتحدث والدته بسخرية:أمال العروسة فين.
شريف ببرود:جاية دلوقتي.
شهيرة بسخرية:طيب خليها تنجز وتنزل علي تحت عايزيين نرتاح أحنا وأمي.
شريف بإيجاب :حاضر.
لتخرج ندي وهي ترتدي عباءة إستقبال باللون الأبيض وتخرج بإبتسامة:صباح الخير يا طنط صباح الخير يا شهيرة أنتي وشريفة.
حماتها بسخرية:صباح النور يا أختي نموسيتك كوحلي يلا يا أختي زي الشاطرة علي الشقة إلي تحت.
ندي بصدمة:شقة أيه وأنزل ليه في أيه يا شريف.
شريف ببرود:تنزلي يا حلوة عشان تخدمي أمي وأخواتي أمال أنتي فاكرة أنا أتجوزتك ليه.
ندي بصدمة:أنت بنقول أيه.
لتنهض شريفة وتقف أمامها بسخرية:زي ما سمعتي يا شاطرة ويلا في شغل كتير تحت مستني جنابك.
