رواية فارس حياة
الكاتبة زينب سعيد القاضي
رواية فارس حياة.
بقلم زينب سعيد.
الحلقة الأولى
في إحدى المستشفيات الكبيرة .
يجلس هو علي المقعد بأريحية وفخامة لا تليق إلا به ويحيطه جيشاً من الحرس، ينتظر خروج زوجته المصون من غرفة العمليات، زفر بنفاذ صبر من أفعالها فهي قد حاولت إجهاض الطفل عدة مرات دون جدوي مع تحزيره وتحذير الطبيب لها ولكن دون فائدة فهي في الشهر السابع ومع ذلك حاولت إجهاض الطفل، وإنتهي بها المطاف بنقلها إلي المستشفي من أجل إنقاذ حياتها.
يركض رجل كبير لا يختلف فخامة عنه ومعه زوجته .
تسألت المرأة بلهفة:
بنتي فين يا فارس ؟
رد فارس دون أن يرفع رأسه ويكلف عناء النظر إليها:
بنتك في العمليات.
صاح عمران بعصبية :
نعم ليه إيه إلي حصل ليها ؟
رد فارس بنفاذ صبر:
بنتك حاولت تجهض الطفل تاني وأدي النتيجة أهي جوه في العمليات بيحاولوا ينقذوها.
هتفت فريال بعصبية:
يعني بنتي جوه بتموت وإنتَ هنا قاعد تشرب سيجار يا بجاحتك يا شيخ؟!
قلب عينيه بملل ورد :
والمفروض أعملها إيه يعني؟ هو أنا إلي قُلتلها تنزل الجنين ولا هي إلي عملت كده من نفسها ؟
تحدث زوجها بصبر:
مش وقت خناق ده ياريت نهدي شوية.
تهكم فارس قائلاً:
المفروض تقول الكلام ده لمراتك مش ليا.
رمقته بإستياء وقالت:
أنا نفسي أعرف أتجوزتك علي إيه؟!
رد فارس بسماجة:
عشان فلوسي إلي طمعتي فيها إنتِ وجوزك وبنتك يا حماتي.
رمقته فريال بغيظ وتمتمت بخفوت:
أوف منك بارد.
ذهبت كي تجلس بعيدًا هي وزوجها ونظر هو لهم باللامبالاة.
خرج الطبيب بعد فترة من غرفة العمليات وهو ينظر أرضًا بأسف، ظل هو جالس كما هو وكأن الأمر لا يعنيه، بينما ركض عمران وفريال نحوه.
“طمنا يا دكتور بنتي عاملة إيه؟”ما
رد الطبيب بحزن:
أنا حذرتها قبل كده وهي مسمعتش الكلام أنا أسف البقاء لله.
صرخت فريال بصدمة وهي تحرك رأسها بعدم تصديق:
بنتي لا إنتَ أكيد كداب صح قول الحقيقة بنتي عايشة صح؟!
حاول عمران تهدأتها دون فائدة:
إهدي يا فريال
أكمل الطبيب كلامه بعملية:
بس الجنين لسه عايش وهو في الحضانة .
صاحت بإنفعال:
هعمل إيه به مش عايزاه هو السبب في موت بنتي.
رد عمران بحنق:
إهدي بقي يا فريال مش كده ده حفيدنا.
