اسكريبت مريض نفسي
الكاتبة زينب سعيد القاضي.
اسكريبت رنا.
في مستشفى للأمراض العقلية.
فى مكتب مدير المستشفى.
دكتورة شابة بملامح بريئة وحجاب بسيط قاعدة قدام مدير المستشفى وإلى كان راجل كبير في السن.
المدير:
سعيد جدًا بانضمامك لينا يا دكتورة رنا.
رنا بابتسامة:
أنا أسعد يا دكتور.
المدير:
بما إنك بقى لسه فريش فأنا هختار ليكِ حالة بسيطة شوية.
رنا بسماحة:
زى ما حضرتك شايف يا دكتور.
المدير:
تحبى تشتغلى مع رجاله ولا ستات؟!
رنا بحيرة:
أي حاجة هتفرق؟!
المدير بتأكيد:
أكيد طبعًا من حيث الأضرار إلى هتشوفيها إنتِ.
رنا بتوتر:
أضرار أيه بالظبط معلش ؟! أنا أتدربت في مستشفيات حكومية يعني أقصى حاجة الحالة النفسية إلي بتعامل معاها اكتئاب حمل.
المدير بسخرية:
والله طيب طمنتيني بصي بقى الحالات هنا إلي قتلت جوزها وإلي شنقت حماتها وإلى قتل مراته بصي حاجات كتير الصراحة هتنبهرى.
رنا بتوتر:
نعم طيب ما علينا طيب أيه الأضرار إلي ممكن
تحصل؟!
المدير:
بصي لا أخفى عليكِ سرًا الأضرار كتير ومختلفة أهم حاجة بتعرف تدافعى عن نفسك صح؟!
رنا بحذر:
يعنى على حسب.
المدير:
مممم على حسب ربنا يستر زى ما قُلت ليكِ هختار ليكِ حالة بسيطة.
رنا بابتسامة عريضة:
تسلم يا راجل يا طيب .
المدير بابتسامة:
دى أقل واجب يا بنتى بما إنك جديدة فى المجال لازم نحببك فى المجال.
رنا بابتسامة:
ربنا يكرم أصلك هدعيلك و هخلى ماما تدعيلك.
المدير ضغط على زرار والممرضة جت:
أفندم يا دكتور.
المدير:
دى دكتورة رنا دكتورة جديده معانا هنا.
الممرضة:
أهلاً بيكِ يا دكتورة نورتينا.
رنا:
نورك يا قمر.
المدير:
هتاخدى رنا لغرفة 605.
الممرضة بصدمة:
نعم غرفة 605 ؟!
المدير بتأكيد:
ايوة أيه عندك اعتراض؟!
الممرضة بتوجس:
لا يا دكتور بس حضرتك عارف.
المدير:
الدكتورة كفأ وهتكون قدها صح يا دكتورة ؟!
رنا بحماس:
أكيد طبعًا يا دكتور.
المدير بابتسامة عريضة:
ممتاز اتفضلى بقى هتمضى تقرير استلام الحالة وإنتِ إلى هتبقى مسؤولة عنها من هنا ورايح ودى حالة بسيطة على فكرة وده أختبار ليكِ دكتورة لو نجحتي فيه اعتبرى نفسك معانا لكن لو فشلتي بقى هيبقى لينا كلام تانى.
رنا بحماس:
أطمئن يا دكتور هبهرك هات التقرير.
أخدت التقرير ومضت عليه وبعدين قامت وقفت:
أقدر أستلم شغلى بقى يا دكتور ؟!
المدير بتأكيد:
أيوة طبعًا بالتوفيق مقدمًا معاها يا نيرس.
