رواية فارس حياة
الكاتبة زينب سعيد القاضي
فارس بعصبية:أخرسي يا ست أنتي حياة مراتي فاهمة .
صفية بسخرية:أتجوزتها لا والله أتجوزتها إمتي يا أخويا.
فارس بعصبية:أنتي ناسية أن حياة كانت في العدة ورديتها لعصمتي عندك مانع .
صفية بغيظ:بس ده ميمنعش أنها السبب في موت أبوها يلا يا عيال ثم تأخذ أولادها وتغادر.
لتظل حياة واقفة بصدمة ولا تتحدث .
لينظر لها فارس بحزن ويتحدث:يلا يا حياة عشان تشوفي أبوكي.
حياة بضعف :ممكن أدخل لوحدي.
فارس بهدوء:تمام هستناكي هنا .
…………..بقلم زينب سعيد… …………..
في غرفة والد حياة.
تدخل حياة بضعف وترفع الملاءة عن وجهه بضعف وتبكي بشدة :سامحني يا بابا مكنتش أقصد أهرب سامحني يا بابا ثم تقبل رأسه وتغطي وجهه وتخرج لفارس.
ليتم دفنه وحاولت حياة زيارة أخواتها أكثر من مرة .
لكن رفضت زوجة هذا الأمر نهائياً.
لتنزوي حياة علي نفسها وتظل حبيسة غرفتها حتي الوقت الحالي.
عودة.
لتفيق حياة من شرودها وتغمض عيناها بألم فهي قد أشتاقت لأخواتها بشدة وأيضا الشعور بالذنب يقتلها فهي من تسببت فى موت والدها.
…………..بقلم زينب سعيد… …………..
في شركة فارس.
يجلس فارس مع تيم يتحدثون في أمر ما.
فارس بحزن:والله ما عارف أعمل أيه معاها يا تيم حتي الفرح رفضاه نهائياً أعمل أيه بس.
تيم بهدوء:سيبها يا فارس علي راحتها بس حاول مع مرات أبوها عشان تشوف أخواتها .
فارس بغيظ:يا حبيبي دي مش بيهمها حاجة غير الفلوس وبس وأنا عايز أخوات حياة يقربوا منها من نفسهم مش عشان الفلوس.
تيم بهدوء:زي ما أنت شايف صحيح أنا قررت أخطب .
فارس بفرحة:بجد ألف مبروك مين بقي دي حد نعرفه.
تيم بهدوء:أه نهال أخت عز.
فارس بهدوء:يا زين ما أخترت يا تيم ناوي علي إمتي.
تيم بحيرة:مش عارف بس بفكر أستني لما الأجازة تيجي.
فارس بهم:أنتي بتفكرني ليه ده الإمتحانات قربت وحياة زي ما أنت عارف رافضة تخرج خالص.
تيم بهدوء:حاول معاها يا فارس عشان السنة متضعش عليها .
فارس بهدوء:بإذن الله.
…………..بقلم زينب سعيد… …………..
في أحد البلدان الأوربية.
في أحد الفلل الفخمة.
يقف خالد لي التراس ينظر أمامه بشرود يتذكر ما حدث منذ عدة أشهر.
