نوفيلا أنين لا يرى
الكاتبة زينب سعيد القاضي
ابتسم وكيل النيابة لها بهدوء، صوته دافئ هذه المرة:
-مبارك يا ليلى.
رفعت ليلى رأسها بدهشة، تحاول أن تفهم ما يعنيه هذا الكلام:
-خير يا فندم؟!
أومأ وكيل النيابة مبتسمًا، وقال بصوت هادئ ومطمئن:
-المجني عليه فاق وكل التحقيقات أثبتت إنك بريئة مفيش أي دليل يربطك بالحادثة إنتِ مش مسؤولة عن اللي حصل.
ارتجفت ليلى، عينها تلمع بالدموع، شعور بالارتياح يغمر قلبها بعد كل الضغوط والخوف الذي عاشته الأيام الماضية.
همست بصوت مرتعش:
-الحمد لله ربنا سلم أنا مش مصدقة إن خلاص هخرج من هنا خلاص.
ابتسم وكيل النيابة، وأشار لها بالجلوس:
-خدي نفس عميق واهدي إحنا هنا عشان نأكدلك إن العدالة أخدت مجراها، وإنك مش هتتحاسبي على حاجة ما عملتيهاش.
جلست ليلى، تحاول أن تسيطر على دموعها، بينما شعور بالفرح والطمأنينة يملأ قلبها، هذه اللحظة كانت بداية جديدة، لحظة شعرت فيها أخيرًا أن الظلم انتهى، وأن الحياة قد تعود لتأخذ مجراها الطبيعي بعد كل ما مرّت به
❤️❤️❤️
خرجت من القسم بسعادة شديدة وتحركت وهي لا تدري إلى أين تذهب مؤكد إن ذهبت إلى منزل عمها سيطردها لا محالة، حسمت أمرها وقررت أن تذهب إلى الشاب الذي أنقذها تطمئن عليه أولاً وبعدها تبحث عن مأوى لها.
وصلت المستشفى وهي تقدم قدم وتأخر الأخرى، سألت عن غرفته وصعدت طرقت الباب بحرج، فتحت لها شقيقته التي تسألت باهتمام:
-مش إنت البنت بتاعت الحادثة؟!
أومأ بإيجاب:
-أيوه أنا ينفع أشوف أستاذ مصطفى ؟!
افسحت لها المجال:
-أيوه اتفضلي.
دلفت على استحياء ما أن أبصرها مصطفى اعتدل سريعًا وتسأل:
-إنتِ؟!
اقتربت منه بتوتر:
-حمد الله على السلامة.
تبسم وقال:
-الله يسلمك خرجتي خلاص؟!
أومأت بايجاب وهتفت ممتنة:
-شكرًا لحضرتك بجد مش عارفة أقولك إيه إنتَ انقذتني مرتين أول مرة يوم الحادثة والتانية لما خرجتني من السجن.
تبسم بضعف وقال:
-أنا معملتش غير واجبي ممكن أسألك سؤال ؟!
حركت رأسها بإيجاب:
-أيوه أتفضل.
تسأل باهتمام:
-مين الشاب ده وكنتي معاه في وقت متأخر زي كده إزاي؟!
تنهدت بحزن وأجابت:
-يبقى إبن عمي وخطيبي وكنا راجعين من فرح واحد صاحبه وحصل اللي حصل وربنا نجدك ليا من السماء بعد اللي عمله فيك هرب ومعرفش حاجة عنه.
