نوفيلا أنين لا يرى
الكاتبة زينب سعيد القاضي
وكيل النيابة رفع رأسه، ونظر إليها بجدية:
-كل شيء هيتسجل إحنا محتاجين نشوف كل الأدلة والشهود والأهم، نتأكد من مكان خطيبك وقت الحادثة.
اهتزت كتفها مرة أخرى، والدموع انهمرت بلا وعي:
– هو كان هناك بس لما حصل اللي حصل، هو هرب.
وقف وكيل النيابة للحظة، ثم نطق بحزم:
-منىإحنا هنا مش معاقبينك، إحنا بنحاول نوصل للحقيقة. كل كلمة بتقليها الوقتي هتفيدك.
رفعت عينيها إليه، وعيناها ممتلئتان بالرجاء والخوف معًا، وكأنها تبحث عن تأكيد أنها لم تُتّهم ظلمًا.
تبادل وكيل النيابة نظرة مع مساعده، ثم قال:
هناخد إفادتك كاملة، وكل شيء هيتحقق بس لازم نعرف مكان خطيبك، وإيه اللي حصل بالضبط من البداية.
❤️❤️❤️
في الغرفة التي يقبع فيها محمود، جلس على حافة السرير متكئًا على الجدار، وعيناه تتفحصان صديقه برفقٍ من نوعٍ ما مشوب بالغضب، قال بصوتٍ مملوء بالتوتر:
-بقولك يا رفعت ما تروح تحاول تعرف حاجة.
ابتسم رفعت بسخرية، متكئًا على الطاولة المقابلة:
-يا سلام أروح فين؟! قدر اتقفشت أنا، وبعدين أنا أعرف راحوا لأي مستشفى؟ ولا بنت عمك قالت إيه؟!
تردد محمود لحظة، ثم زفر بضيق:
-غبية لو كانت هربت معايا، كان كل حاجة مشت تمام لكن الهانم هتسلمني تسليم أهالي.
ارتجف رفعت من الغضب، ورفع صوته قليلاً:
-ما إنتِ اللي واطي واخدها تعتدي عليها! ما كلها كام شهر وتبقى مراتك وبعدين يا خسيس، يوم ما تفكر تعتدي على واحدة تبقى بنت عمك لحمك ودمك!
صمت محمود للحظة، عيناه تلمعان بالغضب المختلط بالعجز، ثم جلس مستندًا إلى الحائط، يضغط على رأسه بيديه، وكأن الكلمات الثقيلة لصديقه تثقل كاهله.
رفعت رفعت كتفيه باستهزاء، لكنه لم يستطع أن يخفي التوتر الذي بدا في عينيه:
-مش فاهم إيه المشكلة لو استنيت شوية؟
محمود رمقه بنظرة حادة، وصوته أصبح أكثر برودًا:
-خلاص خلينا في المهم الوقتي ما ينفعش غير إننا نتابع ونشوف اللي حصل بالضبط.
ضحك رفعت ضحكة قصيرة، ساخرة لكنها مليئة بالتوتر:
-تابع وشوف إيه اللي حص إحنا دخلنا في دوامة مالهاش آخر وكل خطوة غلط هتجر علينا المصايب أكتر!
أغلق محمود عينيه للحظة، يحاول أن يهدئ نفسه، ثم قال ببطء:
-عارف بس لازم نصبر لحد ما نشوف القضية هتقفل على إيه.
