اسكريبت مريض نفسي
الكاتبة زينب سعيد القاضي.
عمر بشر:
يلا بقى يا حلوة أتشاهدى وخلصيني.
…..
فى مكتب مدير المستشفى.
الدكتور خبط ودخل.
المدير :
خير يا دكتور في أيه ؟!
الدكتور سامح بعصبية:
ممكن أفهم الدكتورة الجديدة رايحة أوضة عمر الشناوى ليه؟؛
المدير بسخرية:
تفتكر ليه؟! هتكون رايحة تغير الجو رايحة تعالجه طبعًا.
الدكتور بغيظ:
وده إزاى إن شاء الله حضرتك عارف كويس إن ممنوع أى واحدة ست تدخل أوضته آخر مرة كان هيدبح ممرضة بالمشرط ولا حضرتك ناسى ؟!
المدير ببرود:
مش ناسى بس دى دكتورة أكيد هتعرف تتعامل معاه.
الدكتور بغيظ:
كانوا إلي قبلها عرفوا بالإضافة إنها واحدة ست وحضرتك عارف كويس مدى كرهه ورفضه للستات ليه بقى عشان هو جاي هنا فى صدمة عصبية من خيانة مراته ليه وهروبها ما صاحب عمره واجهضت ولاده التوأم إلى كانوا فى بطنها وكانت عايزة تقتله بعد ما كتب كل فلوسه باسمها وتهرب مع صاحبه لكن الأتنين العربية أتقلبت بيهم وهو أتجنن وجه هنا ومن وقت ما جه أي واحدة ست تدخل أوضته بيبقى عايز يقتلها حضرتك بقي الوقتِ ممسك حالته لدكتورة وكمان لسه متخرجة ده حضرتك كده بقي بتسليمها تسليم أهالى ليه عشان يموتها؟! أنا مش فاهم إزاى حضرتك تعمل كده بجد؟!
المدير ببرود:
ويمكن تعرف تتعامل معاه وتعالجه إنتَ أيه مشكلتك يا دكتور مش فاهم؟!
الدكتور بصدمة:
بعد ده كله أيه حضرتك لسه بتسأل أيه مشكلتى؟! ده ممكن يقتلها أو يحاول يعتدى عليها ؟!
المدير بنفاذ صبر:
دى دكتورة نفسية متعودة على ده كله وبعدين أنا سألتها إنتِ بتعرفى تدافعى علي نفسك قالت أه.
الدكتور بسخرية:
بجد؟! سألتها بتعرف تدافع عن نفسها قُلت أه؟!
المدير بضيق:
إنتَ تخطيت حدودك يا دكتور وبتدخل فى شغلى.
الدكتور:
أنا مش بدخل فى شغل حضرتك ولا حاجه أنا صعبان عليا البنت إلى هتروح فى سرية مياه.
المدير:
لا أطمئن مش هيحصل حاجه حتى لو حصل على كاتبة على نفسها إقرار عن استلام الحالة وهى المسؤولة لو حصل ليها حاجة.
الدكتور بتهكم:
والله وهى قرأت الكلام الى حضرتك بتقوله ده؟! ولا حتى تعرف حالة المريض من الأساس؟!
المدير بنفاذ صبر:
قُلت ليك ده شغلي ومتدخلش فيه.
الدكتور بضيق:
وطالما روح إنسانة فى خطر فأسف لازم أتدخل يا دكتور أنا مش فاهم ليه عملت كده وتورطها.
المدير بغيظ:
لأن مع الأسف كلكم فشلتوا فى علاجه وكلكم رافضين علاجه وجده ناوى ينقله مستشفى تانية مكنش قدامى حل تانى خصوصًا أنها دكتورة صغيرة في السن وحلوة قُلت يمكن يتعلق بيها يا كده يا إما الفلوس إلي بتيجي على حسه هتتمنع.
