اسكريبت مريم

الجزء الثالث….

أحمد:

وانا عايز اهرب يا بابا انت ليه مش حاسس بيا انا من وقت الحادثة وانا محبوس هنا مش عايز اخرج عشان محدش يشوفني وانا ماشي بعكاز واهي كملة البنت الوحيدة الي حبتها سابتني افضل هنا ليه

شريف:

بطل هبل الناس هتشفق عليك ليه انت مفيش عيب فيك اما الي سابتك دي سابتك عشان معندهاش أصل سامع معندهاش اصل أطلع أوضتك أرتاح يا احمد ومتفكرش في حاجة سفر مش هتسافر سامع سفر مش هتسافر والفرح هيتم ولا عاش ولا كان الي يكسرك طول ما انا عايش

احمد:

ناوي علي ايه يا بابا

شريف:

متقلقش انا هتصرف متشلش هم حاجة

احمد:

بابا انا مش هتجوز اي جوازة والسلام بلاش تفكر نجيب اي بنت تبقي هي العروسة انا مش هظلم بنات الناس معايا

شريف:

تظلم بنات الناس لا انت مش هتظلم بنات الناس غصب عنك كمان عارف ليه ؟ لأن الي هتتجوزها دي اي كان تبقي مين هتبقي مراتك وام عيالك سامع انت اخترت مرة وفشلت تختار ست تستاهل تشيل اسمك انا الي هختار ليك المرة دي هختار الي تشيل إسمك وهتصونك وأهم من ده كله انها بتحبك أنت لشخصك مش لمالك

أحمد:

انت قصدك ايه يا بابا وبعدين تطلع مين الي بتحبني زي ما حضرتك بتقول دي

شريف:

هتعرف بكره يا عريس

بعد ساعة

مريم:

سلام عليكم ورحمه الله

شريف:

وعليكم السلام ورحمه الله وبركاته راحة فين يا مريم بالسنطة دي يا بنتي

مريم:

أنا همشي

شريف:

تمشي تروحي فين

مريم:

عارفة أن وجودي هنا مش هيبقي محبب من مدام ساندي فكلمت واحدة صاحبتي هقعد معاها الشهر ده وهي موافقة

شريف:

أيه الهبل إلي بتقوليه ده تسيبي بيتك وتقعدي عند واحدة غريبة أتجننتي يا مريم ولا أيه

مريم:

متجننتش ولا حاجة بس وجودي هنا غلط فعلاً الأفضل أمشي

وده مش بيتي فعلاً كتر خير حضرتك سمحت أفضل موجودة وكمان بتصرف علي دراستي

شريف:

أنتي هبلة يا بنتي أنتي بنتي وتربية ايدي

مريم:

شكراً لحضرتك تسمح ليا امشي عشان ألحق معاد القطر

شريف:

أنتي بتحبي أحمد يا مريم

مريم:

ها لا طبعاً أستاذ أحمد يبقي زي أخويا

شريف:

أنتي كدابة يا مريم أنتي بتحبي أحمد وأنا عارف ده كويس وأنا مش ممانع ده وأنا أتمنيت أن أنتي إلي تكوني مرات أبني مش ساندي والحمد لله أهو ربنا أردا يحقق أمنيتي