اسكريبت مريض نفسي
الكاتبة زينب سعيد القاضي.
رنا بهدوء:
أنا فهمت الوضع وهاخد حظرى بس أستأذن حضرتك تسيب الممرضين علي باب الأوضة هنا للأمان طول ما أنا موجودة.
الدكتور بضيق:
علي راحتك بس أنا مش مسؤول لو حاجة تانية حصلت ليكِ بعد إذنكم.
الدكتور سامح مشي والمدير كمان.
فضل الأتنين الممرضين معاها.
رنا:
لو سمحتوا فكوه.
الممرض بتردد:
بس حضرتك هنسيبك معاه إزاى من غير ما يتربط ؟
رنا:
وأنا مش هعالج مريض متربط كده بشكل غير آدمى أتفضل فكه وخليكم واقفين علي باب الأوضة.
الممرض بقلة حيلة:
حاضر .
فكه هو وزميله وبعدها خرجوا سوا ووافقوا علي الباب.
رنا بصت حواليها لقت كرسي شدته وقعدت عليه وهو فضل محمد زى ما هو بصمت تام.
رنا حبت تقطع الصمت:
أنا رنا.
مردش عليها ولا عبرها.
رنا :
ممممم طيب شكلى كده أنا الوحيدة إلى هفضل متحدثة في القاعدة دى احكيلى قصة حياتى.
بردو فضل ساكت.
رنا بغيظ:
إنتَ بارد على فكرة بس هحكيلك قصة حياتى عشان ندردش شوية شوف يا سيدى أنا رنا عندى 25 سنة دكتورة نفسية مليش إخوات ولا أقولك عندى بس من بابا بس أنا معرفهمش ولا أعرف عنه هو شخصيًا حاجة ليه بقى عشان ماما بعد ما خلفتنى شالت الرحم فعشان ماما مش هتخلف تانى وأنا بنت طلقها وراح أتجوز يخلف ولد وقتها بقى ماما سابت ليه البلد كلها وجينا هنا الإسكندرية عاشت مع خالتها كان عندى وقتها سنة واحدة ومن وقتها بقى معرفش حاجة عن والدى ولا هو يعرف حاجة عنى بس أكيد خلف وبقى ليا أخوات منه وبس كده يا سيدي إنتَ بقى حكايتك أيه؟!
عمر مردش.
رنا بضيق:
لا بقى أنا مش هقعد أكلم نفسي أنا سعادتك وجنابك تقعد تسمع كده قول أي حاجة طيب؟! أوف بردوا مش عايز تتكلم هكمل أنا كلامى عارف بقى لو أنا كنت موت ماما كانت هتزعل عليا أوى وكانت هتدعى عليك بس إنتَ بقي شكلك طيب أنا هخليها تدعيلك تخف وتدعى علي المدير ابن المجنونة ده تصدق أنا شاكة إنك عاقل عنه.
عمر ابتسم بس منطقش.
رنا بحماس:
الله ما إنتَ بتعرف تضحك أهو وتبتسم أنا كنت فاكرة إنك مش عندك أسنان ومكسوف تتكلم معايا أو تضحك عشان مشوفش إنك معندكش أسنان.
عمر وشه كشر وبصلها بحدة.
رنا بضحك:
خلاص خلاص متكشرش هو ممكن أسألك سؤال؟! عارفة إنك مش هترد بس هسألك وخلاص يمكن ربنا ينفخ فى صورتك وترد هو إنتَ ليه كنت عايز تقتلني ؟!
عمر فضل ساكت ومردش.
رنا بهدوء:
