اسكريبت مريض نفسي
الكاتبة زينب سعيد القاضي.
أخد الدكتور ومشى وهى راحت لعمر بحيرة:
إنتَ ليه عملت كده؟!
عمر بهدوء:
رقم جدى فى التقرير بتاعك تواصلى معاه وخليه يجى عايز أقابله.
رنا بتردد:
إنتَ مردتش عليا ليه عملت معايا كده؟ ليه ساعدتني ؟!
عمر:
إنتِ إلى ساعدتينى مش أنا إلى ساعدتك روحى كلميه عايز أشوفه.
رنا بقلة حيلة:
حاضر.
جت تتحرك عشان تخرج بس هو وقفها تانى:
أنا عايز أكل معاكِ سندوتشات ؟!
رنا بحرج عشان آخر الشهر وإلى معاها سندوتشات جبنة بطماطم:
أيوة معايا بس سندوتشات جبنة بطماطم لو تحب أطلب ليك أكل من المطع….
عمر بمقاطعة:
هأكل من أكلك.
رنا بلهفة:
حاضر.
خلعت شنطة الضهر إلي لبساها دائمًا وخرجت الكيس بتاعها ومدت إيدها ليه، أخده منها لقى أربع سندوتشات أخد أتنين بس ورجعه ليها.
رنا برفض:
لا خليه كل.
عمر:
كفاية دول كلمى جدى عايزه فى أسرع وقت.
رنا:
حاضر إحم هو الصراحة التقرير فى البيت هكلم ماما تصور الرقم وتبعته واتس.
عمر:
طيب.
خرجت البلكونة عشان تسيبه يأكل براحته وفعلاً كلمت والدتها صورت الرقم وبعتته ليها دخلت لقته خلص أكل وقاعد باصص للسقف بشرود.
رنا بتوتر:
أنا جبت الرقم هطلبه وحضرتك تكلمه لو حابب.
عمر باقتضاب:
ماشي.
رنا اتصلت بالرقم واستنت لغاية ما رد:
ألو مساء الخير يا فندم أنا دكتورة رنا المسؤولة عن حالة أستاذ عمر هو كويس الحمدلله هو مع حضرتك أهو.
مدت إيدها لعمر إلى أخد الفون وتواصل مع جده:
الله أيوة يا جدو أطمئن أنا بخير عايزك تجيلي تمام سلام.
قفل مع جده وأدى ليها الفون.
رنا بتردد:
إنتَ كويس ؟!
عمر مردش.
رنا بانزعاج:
هترجع تانى للغة الصمت بتاعتك تانى؟!
عمر مردش بردوا.
رنا بضيق:
طيب هقوم امشى.
عمر:
هتروحى فين؟!
رنا :
هروح للمدير أشوف هيعمل أيه معايا.
عمر:
لا متروحيش.
رنا:
لو مروحتش هترفد.
عمر بإصرار:
مش هتترفدى مش هيقدر يرفدك أطمنى.
رنا :
تمام هو إنتَ كلمت جدك ليه؟!
عمر مردش.
رنا:
يا دى النيلة سكت تانى طيب بما أننا ساكتين هتكلم أنا ولا بلاها لتتحول وتشعلقنى المرة دى فى المروحة أقولك نكتة ؟!
عمر مردش.
رنا :
خلاص هقولك نكتة مرة قنبلة وقعت علي قهوة عملت بن هههههههههههه حلو مش كده؟
عمر مردش.
رنا:
طيب هقولك واحدة تانية تعرف ليه الطماطم هتروح النار ؟! طالما سامتويبقى متعرفش الطماطم هتروح النار عشان بترقص فى الخلاط هههههههههههه طيب هقولك واحدة تانية دى جامدة بقي ليه النمل بتشيل الفيل ؟! عشان تقعد تغنى وتقول ياه ياه يا واد يا تقيل هههههههههههه طيب أسمع دى بقى ليه النملة ليه النملة بتقعد فى مكان عالى وتدلدل رجليها ؟! أكيد مش عارف عشان تنشف المنكير هههههههههههه تحفة دى صح هقولك واحدة تانية شوف يا سيدى….
