اسكريبت مريض نفسي
الكاتبة زينب سعيد القاضي.
طيب لو موافقتش؟!
الجد بحيرة:
والله ما عارف يا أبنى هتواصل معاها بإذن الله وربنا يقدم إلى فيه الخير.
شوية والباب خبط ودخل دكتور سامح:
صباح الخير.
الجد:
صباح النور.
سامح:
عرفت أن حضرتك هتخرج أستاذ عمر من هنا؟!
عمر بضيق:
وإنتَ مالك ؟!
سامح بغيظ:
أولاً أنا بتكلم مع جد حضرتك مش معاك هقول الكلمتين عشان أمشى.
الجد:
أتفضل يا دكتور.
سامح:
المستشفى هنا أفضل فى الوضع الحالى ليه عارف أن حضرتك بتفكر تخرجه وتجيب دكتورة تعالجه فى البيت وتحديدًا دكتورة رنا إلي حابب أوضحه لحضرتك أنه حاول يقتلها مرتين قبل كده تانى حاجة وأهمها أن إستحالة هي أو أهلها يوافقوا أنها تروح بيت فيه أتنين رجالة وجوده هنا أفضل فى الوقت الحالى وأنا مستعد بنفسي أكلمها وأحاول أقنعها ترجع حتى لو لوقت محدد حتى يتماثل للشفاء.
الجد بحيرة:
أيه رأيك يا أبنى ؟!
عمر ببرود:
لو هفضل هنا بشروط.
سامح بغيظ:
شروط؟! وأيه هى شروط جنابك ؟!
عمر ببرود:
أولاً عايز الفون بتاعى إلي فى أمانات المستشفى ثانيًا مش هتعامل غير مع دكتورة رنا بس هى إلي هتبقى مسؤولة عنى.
سامح بنفاذ صبر:
طيب موافق وهبلغ دكتور هيثم.
عمر ببرود:
بس ده متوقف على موافقتها أنها ترجع هنا فعلاً.
سامح بسخرية:
هترجع عشانك أكيد .
سامح مشي وتواصل مع رنا إلى رفضت ترجع بس أصر عليها أن تواجدها فترة مؤقتة عشان حالة عمر بس وافقت بعد تفكير ورأى مامتها متتخلاش عن حد طلب المساعدة.
……
فى صباح يوم جديد عمر صحى بدرى وخرج وقف فى البلكونة مستني وصول رنا خايف أنها متجيش بس اتفاجأ الباب خبط وهى دخلت بابتسامة:
يا حلو صبح .. يا حلو طل
يا حلو صبح .. نهارنا فل
عمر بهدوء:
صباح النور.
رنا بابتسامة:
أخيرًا نطقت من غير تكشيرة ما علينا أنا رجعت عشان إنتَ عايز تتعالج صح ولا غلط ؟!
عمر:
صح.
رنا بحماس:
يبقى هنبدأ آول خطوة للعلاج فطرت ولا لا؟!
عمر:
لا.
رنا:
حلو أوي يلا بينا إحنا هننزل صالة الرياضة بتاع المستشفى .
عمر بتعجب:
صالة رياضة؟!
رنا بتأكيد:
أيوة آول خطوة هنبدأ بيها السلوك العدوانى بتاعك لازم يتعالج وده هيحصل إزاى لما نطلع الطاقة السلبية إلي عندك وده هنطلعه فى حاجة مفيدة إلى هى الرياضة أتفضل يلا.
…..
فى غرفة الرياضة.
واقف مربع إيده.
رنا بملل:
إنتَ يا عم الحج ؟! لا بص جو الصمت ده مش هينفع وبعدين إنتَ جاى هنا تربع إيدك؟!
