اسكريبت مريض نفسي
الكاتبة زينب سعيد القاضي.
عمر بصياح:
كفاية بس كفاية مش عايز أسمع حاجة دى نكت من أنهى اتجاه بس ؟!
رنا بغيظ:
الله أهو كنت بسليك أنا مش بعرف أقعد ساكتة وإنتَ ما شاء الله مش بحب تنطق.
الباب خبط ودخل دكتور سامح:
مساء الخير.
رنا :
مساء النور.
سامح:
كنت عايزك شوية يا دكتورة.
رنا :
حاضر.
رنا جت تقوم تخرج معاه.
عمر بفحيح:
خليكِ مكانك.
رنا بتردد:
هشوف الدكتور عايز أيه.
عمر بتحذير:
سمعتى قُلت أيه؟!
سامح بضيق:
أيه يا دكتورة حضرتك بتاخدى الإذن من واحد مجنون زى ده؟!
عمر قام وقف قصاده بتحدى:
بلاش تخليني أوريك الجنان على حق ولو باقى على عمرك.
سامح بغيظ:
شكل وحشك التكتيف وجلسات الكهرباء.
عمر قام عشان يهجم عليه بس رنا وقفت فى وشه بسرعة:
أهدى الله يخليك وأتفضل إنتَ يا دكتور الوقتِ بره لو سمحت.
سامح بغيظ:
تمام.
عمر قعد بعصبية.
رنا :
أيه إلي عملته ده بس؟!
عمر بعصبية:
تعرفى تخرسي خالص.
رنا بغيظ:
هو كل شوية أخرسي أخرسي ممكن إنتَ تسكت وتسمعني لو سمحت ؟! أنا عارفة كويس أوى إنتَ حاسس بأيه وإلي مريت به صعب لكن لازم تخف وتخرج من هنا عشان نفسك مش عشان حد عاجبك واضعك ده؟!
عمر ببرود:
أطلعى بره عايز أنام.
رنا بعصبية:
تصدق إنك بارد اتخمد أنا ماشية.
عمر باستفزاز:
خدى الفراشة معاكِ.
رنا بتعجب:
فراشة أيه ؟!
عمر:
اللانش بوكس الفراشة فى الدرج بس ليه يومها جبتي ليا لانش بوكس وإنتِ بتجيبي ليكِ في كيس؟!
رنا ببساطة:
مش بحب اللانش بوكس الصراحة يلا سلام .
اخدته من الدرج ومشيت.
…
فى الخارج.
رنا آول ما خرجت لقت دكتور سامح موجود.
رنا :
خير يا دكتور ؟!
سامح بغيظ:
أنا عايز أفهم أيه المهزلة إلى حصلت دى ؟؟ على فكرة دكتور هيثم مش طايقك وهو إلى بعتني ليكِ إزاى تهددى دكتور وكمان تطرديه من أوضة المريض.
رنا بإنزعاج:
كان بيعذبه وده أنا مش هرضى بيه.
سامح بضيق:
بجد طيب قابلى بقى إنتِ اترفدتى.
رنا بتوتر:
بس عمر قال..
سامح بمقاطعة:
هتسمعى لمجنون يا دكتورة ؟! ضيعتي مستقبلك على الفاضى مع الأسف نصحتك وإنتِ مسمعتيش النصيحة.
رنا بحزن:
تمام.
سامح بهدوء:
تعالى معايا نروح تعتذرى للدكتور ودكتور هيثم ونلم الموضوع.
رنا برفض:
خلاص يا دكتور أنا اترفدت مفيش داعى وأنا كمان تعبت ومش قادرة أكمل هنا.
سامح بتعجب:
يعني أيه؟!
رنا بهدوء:
يعنى هشوف شغل فى أى مستشفى حكومي أفضل من هنا.
سامح:
لا بقى شكل قعدتك مع المجنون ده جننتك فعلاً.
