اسكريبت مريض نفسي
الكاتبة زينب سعيد القاضي.
عمر بنفاذ صبر:
عايزة أيه.
رنا راحت على جهاز المشاية:
تعالى أتفضل أطلع.
راح وطلع على مضض.
رنا:
أنا هشغل السرعة وهبدأ أزود شوية بشوية كل إلى مطلوب منك تحاول تفكر فى كل الي مضايقك عايز تضرب حد عايز تقتل حد ده كله تطلع أوك؟!
عمر مردش.
رنا بقلة حيلة:
متردش هرد أنا على نفسى أوك.
بدأت تشغل السرعة فعلاً ببطء شديد وبعدين بدأت تسرع لاحظت أنه بيضغط على أسنانه جامد ووشه باين عليه الغضب لغاية ما علت أوى وهو بقى يجرى جامد ولا بيتعب ولا بيقول حتى وطى السرعة.
فضل كده نص ساعة كاملة لغاية ما هى وقفت المشاية ومدت إيدها ليه بفوطة:
أتفضل.
أخدها ينشف عرقه من غير ما ينطق.
لفت نظره كيس ملاكمة راح ناحيته ولبس البوكس وبدأ يضرب فيه بعنف، ده كله ورنا مرقباه بصمت تام، فضل يلعب بوكس ساعة كاملة لغاية ما تعب وقعد علي الأرض بينهج بصعوبة.
راحت وقفت قدامه وسألته بحذر:
إنتَ كويس؟!
عمر باقتضاب:
أيوة.
رنا بتردد:
حاسس إنك أفضل الوقتِ ؟!
عمر:
عايز أطلع أوضتى.
رنا:
حاضر على راحتك.
طلعته اوضته وهو أخد شور وفطر معاها ونام بعدها طول النهار.
…..
فى صباح يوم جديد رنا وصلت وراحت ليه لقته صاحى.
رنا:
صباح الخير.
عمر بهدوء:
صباح النور.
رنا :
فطرت ؟!
عمر برفض:
لا.
رنا باقتراح:
أيه رأيك ننزل نفطر فى الجنينة تحت ؟!
عمر برفض:
لا.
رنا بخيبة أمل:
ليه بس؟!
عمر بهدوء:
مش عايز أشوف حد.
رنا بهدوء:
إحنا ملناش دعوة بحد هنقعد نفطر ونرجع بس كده.
عمر بضيق:
مش عايز.
رنا بهدوء:
ولو قُلت ليك إن ده جزء من علاجك؟!
عمر بتهكم:
بجد؟!
رنا بغيظ:
أيوة بجد لازم تشوف ناس وتتعامل معاهم من تانى على فكرة وتنزل وتخرج أمال لو قُلت ليك إنك هتخرج الشارع كمان؟!
عمر باختصار:
طيب.
رنا بارتياح:
تمام يلا بينا.
….
فى الحديقة.
قعدوا على طرابيزة وهو باصص قدامه بس.
رنا :
ممكن تبص حواليك عادى سوف الخضرة الزرع الناس والوجوه الجديدة هنا محدش بيركز مع حد.
عمر بضيق:
طيب.
عملت ليه ساندوتش جبنة:
أتفضل.
أخده بصمت وبدأ يأكله.
رنا:
أعملك جبنة تانى ولا مربى؟!
عمر:
أى حاجة.
رنا :
يبقى خليه مربى عشان يبقى حادق وحلو.
عملته ليه وأكله بصمت وبعد ما خلص:
ينفع نطلع ؟!
رنا :
براحتك.
…..
على بعد منهم كان واقف المدير مع دكتور سامح.
سامح:
أيه رأيك ؟!
المدير بعدم تصديق:
ده نزل فطر فى الجنينة!! ده مكنش بيخرج من اوضته أصلاً؟!
