اسكريبت مريض نفسي
الكاتبة زينب سعيد القاضي.
عمر بردوا مردش وكان بيتجاهلها وده خلاها تحاول تستفزه:
هو إنتَ كنت ناوى تسمى ولادك أيه؟!
عمر لف ليه بشر.
رنا بسماجة:
أيه قررت أخيرًا تر…..
ملحقتش تكمل كلامها لأنه كان رفعها من قفاها زي الأرنب ورفعها لفوق.
رنا بصراخ:
عاااااااااااااا نزلنى حد يلحقنى من هنا يا ناس يا عالم يا خلق يا أهو.
عمر بفحيح:
لو جبتى سيرتهم تانى هقتلك سامعة ولا مش سامعة ؟!
رنا بعويل:
سامعه سامعه عيلة وغلطت يا أخويا نزلنى بقى الله يباركلك وربنا يرحمهم وبكره تتجوز وتخلف غيرهم.
عمر بصياح:
إنتِ مصممة بقى أنى أخلص عليكِ النهاردة بقي.
رنا بعويل:
خلاص خلاص سماح يا باشا المرة دى اعتبرنى عيلة وغلطت.
عمر بتوعد:
هنزلك تطلعى بره الأوضة دى مش عايز أشوف وشك قدامى تانى سامعة ولا مش سامعة ؟!
رنا بعويل :
سامعة لكن يا غبى أفهم أنا مقدرش امشي واسيبك هنا مش هيعالجوك هنا هيدمروك بالكهرباء هما عايزينك تفضل هنا وخلاص وتدفع فلوس صدقنى أنا عايزة أساعدك أدينى فرصة أساعدك.
عمر بفحيح:
وأنا مش عايز أتعالج هتمشي من ومش هشوف وشك تانى سامعة ولا مش سامعة ؟!
رنا بحزن:
زى ما تحب.
نزلها على الأرض عدلت هدومها وبصلته بغيظ:
إيدك ناشفة أوى وبعدين كنت ماسكنى ولا كأنك ماسك حرامى غسيل يا شيخ.
عمر بتحذير:
أمشي من هنا.
رنا بأسف:
صدقنى أنا عايزة أساعدك.
عمر بصياح:
بقولك أمشى.
رنا بقلة حيلة:
حاضر.
فتحت شنطتها وخرجت منها لانش بوكس علي شكل فراشة:
أتفضل ده لانش بوكس فيه سندوتشات شاورما عملت حسابك فى الغداء معايا تغيير بدل أكل المستشفى بعد إذنك.
سابت اللانش بوكس ومشيت هو بص ليه وابتسم غصب عنه:
فراشة!!
عدا أسبوع الموقف ده و رنا مش بتدخل اوضته نهائى ولا تعرف حاجة عنه بعد ما بلغت المدير أنه رافض يدخلها الأوضة، واشتغلت مع حالة تانية لطفلة صغيرة.
وفى يوم كانت معدية على أوضته سمعت صوت صراخه جامد جاى من أوضته قلقت كانت خايفة تدخل يطردها تانى قررت تمشي لكن فى آخر لحظة دخلت خبطت الأوضة وكانت الصدمة كان بياخد جلسة كهرباء وعمال يصرخ منها والصدمة التانية دكتور ماسك حزام ونازل فوقه ضرب.
اتصدمت وجريت بسرعة وبعدت الدكتور عنه بعصبية:
إنتَ بتعمل ايه ؟!
الدكتور بعصبية:
إنتِ مالك إنتِ وأيه إلي دخلك هنا ؟!
تجاهلت الرد عليه وراحت قفلت جهاز الصدمات الكهربائية عن عمر إلي آول ما شافها بص ليها كتير وهو بيعيط.
