اسكريبت مريض نفسي
الكاتبة زينب سعيد القاضي.
الدكتور بصدمة:
أنا بجد مصدوم ومش لاقى رد أرده عليك بقى تعرض حياة بنت للخطر عشان فلوس ؟!
قطع كلامهم فتح الباب ودخلت ممرضة بتصرخ:
ألحق يا دكتور المريض إلى فى غرفة 605 بيخنق واحدة فى البلكونة شوفته من الجنينة.
الدكتور بصدمة:
يا نهار أسود مش قُلت لحضرتك ذنب البنت فى رقبتك.
جرى بسرعة وراء الممرضة والمدير كمان قام يجرى وراهم.
………
فى أوضة عمر.
رنا بعويل:
طيب ممكن تسيبني النهاردة وأجيلك بكرة تقتلني؟!
عمر بنفاذ صبر:
إتِ هبلة ؟! إنتِ لو مشيتي مش هترجعى وكده مش هقتلك أنا مش غبية.
رنا بعويل:
أصل أنا نسيت أودع ماما قبل ما أمشى يرضيك أموت من غير ما أودعها الوداع الأخير.
عمر برفض:
أتشاهدى وخلصيني.
رنا بغيظ:
أنا مش فاهمة إنتَ متسربع علي موتى ليه ؟!
عمر بفحيح:
هتتشاهدى ولا أخنق؟!
رنا بعويل:
حسبي الله ونعم الوكيل فيك يا بعيد إنتَ ومدير المستشفى إلى ورطنى الورطة السودة أشهد أن لا إله إلا الله وأن محمدًا رسول الله.
غمضت عيونها مستسلمة لمصيرها المجهول هو فضل باصص ليها شوية وبدأ يخنقها فعلاً بس الباب أتفتح فجأة ودخل دكتور سامح ومعاه أتنين ممرضين ومدير المستشفى، سامح هجم عليه من ضهره وكتف درعاته الأتنين، والممرضين جم مسكوه وشدوه للسرير ممدودة بالغصب وربطوه.
المدير راح لؤنا بسرعة وشال الفوطة من حوالين رقبتها كان مغمى عليها قعد يخبط على وشها لغاية ما فاقت:
دكتورة رنا إنتِ سمعانى؟!
رنا فتحت عيونها ببطء شديد وهى بتبص حواليها:
أنا لسه عايشة؟!
المدير بغيظ:
علي أساس لو موتى هتردى عليا إزاى ؟!
دكتور سامح قرب منها وسألها بلهفة:
إنتِ كويسة ؟!
رنا بعويل:
كويسة؟! يا عم الحج إنتَ لو إتأخرتم دقيقة واحد كان زمانى فى إعداد الموتى وعالم أخر.
الدكتور:
حمد الله على السلامة.
رنا بصت للمدير بغيظ:
ليه حضرتك معرفتنيش الحالة ؟! هى دى إلي حالة بسيطة ؟! قال وأنا عمالة أقول أيه يا رب المدير الطيب ده هدعيله و هخلى ماما تدعيلك تصدق بالله أنا مش هعمل حاجة فى حياتى غير أني أحسبن عليك ليل ونهار بس يا بعيد.
المدير بغيظ:
احترمى نفسك متنسيش أني صاحب المستشفى وإنتِ إلي مضيتي إقرار استلام الحالة من غير ما تقرأ أنا مالى بقى ده غباء واستهتار منك مشوفتيش الحالة إلي هتتعاملى معاها.
رنا بضيق:
الغلط الوحيد الي أنا غلطه هو أنى وثقت في حضرتك يا دكتور.
