اسكريبت مريض نفسي
الكاتبة زينب سعيد القاضي.
عاااااااااااااا.
حاولت تقوم أو تتحرك سمعت صوت رجولى من وراها:
أتحركِ خطوة واحدة وهفصل رأسك عن جسمك .
رنا بصدمة:
يا لهوى ألحقني يا أما إنتَ مين يا جدع إنتَ؟!
عمر بشر:
أنا هخنقك وأطلع روحك فى إيدى.
رنا بعويل:
ليه كده بس هو أنا عملت أيه ؟!
عمر بفحيح:
عملك أسود ومهبل على دماغك إنتِ مين وبتعملى أيه هنا؟!
رنا بعويل:
أنا دكتورة رنا وجاية أعالج الحالة إلى هنا سبنى بقى وحياة عيالك أنا لسه صغيرة فى عز شبابى ولسه مدخلتش دنيا.
عمر بفحيح:
ولا هتدخليها إلى زيك لازم تموت.
رنا بصراخ:
يا لهوى يا أنا يا أما أموت ليه بس ؟! أنا عملت ليك أيه ولا إنتَ تعرفنى منين؟!
عمر:
أنا عملك الأسود أنا إلى هخلص الناس من شرك.
رنا بعويل:
شرح مين يا بن العبيطة أنا أقصى حاجة عملتها غلط فى حياتى أكلت أندومى من وراء أمى معقولة ده الشر إلى أنا عملته؟!
عمر بشر:
هش هش مش عايز أسمع صوتك خالص صوتك مقزز وكلامك يثير للتقيئ.
رنا ببكاء:
أسكت أيه بس متجننيش وبعدين تقيؤ أيه الله يقرفك يعنى هتقتلنى وكمان هترجع فوقى إنتَ معندكش عيال يا راجل إنتَ؟!
عمر بفحيح:
لا معنديش عشان هي قتلتهم وكانت عايزة تقتلنى عشانه وفى الآخر هما إلى ماتوا وأنا إلى فضلت عايش لوحدى بس إنتِ جيتى وهقتلك وأخلص الناس منك ومن شرك.
رنا بعويل:
عاااااااااااااا يا عم سبنى فى حالى هو أنا أعرفك ولا إنتَ تعرفني اعتقني لوجه الله.
عمر بصياح:
أسكتى بقى صوتك وحش مش عايز أسمع نفسك لغاية ما تموتى.
رنا بعويل:
يا ظالم يا مفترى يعنى مش هتموتنى بس كمان مش عايز تسمع صوتى؟! ده إلي بيتحكم عليه بالاعدام يا ظالم يا مفترى بيخلوا يتمنى تلات أمنيات وإنتَ حتى مش مدينى فرصة أتمنى أمنية واحدة ولا حتى أتكلم نص كلمة.
عمر بصياح:
بس بقى أخرسى مش عايز أسمع صوتك إنتِ غبية ومبتفهميش سبينى أركز.
رنا ببلاهة:
تركز فى أيه لا مؤاخذة؟!
عمر بشر:
فى قتلك.
رنا بصدمة:
يا مصيبتي السودة يا أنا يا أما إنتَ اتحدفت عليها من أنهى مصيبة بس يا عم أكسب ثواب فيا وأعتقنى لوجه الله.
عمر بفحيح:
لا هقتلك يعني هقتلك.
رنا بعويل:
يا دى النيلة طيب بما أنى هموت كده كده ممكن تسيبنى أتمنى آخر أمنية فى حياتى طيب؟!
عمر ببرود:
لا طبعًا.
رنا بعويل:
ليه بس إنتَ شكلك طيب وأمير وبسمع عنك كل خير حتى وشك سمح وفيه قبول.
عمر بسخرية:
