اسكريبت مريض نفسي
الكاتبة زينب سعيد القاضي.
الممرضة سابتها ومشيت رنا بذهول:
نهار Black عليا هو أيه المستشفى إلي كل إلي شغالين فيها مرضي نفسين دى أنا هعانى هنا هخبط وأدخل قبل ما حد ينط ليا تانى.
يا دوب رفعت إيدها ولسه هتخبط سمعت صوت وراها بيزعق:
أقفِ عندك إنتِ مين وبتهببى أيه هنا؟!
رنا بنفاذ صبر:
يا دى النيلة عليا أنا الدكتورة الجديدة إلي مسؤولة عن الحالة دى.
الدكتور بصدمة:
نعم؟! بتقولى أيه سمعيني كده تانى ؟!
رنا بنفاذ صبر:
يا دى النيلة أسمع أيه تانى أنهى جزء إلى جنابك عايز تسمعه عشان أعيده؟!
الدكتور بصدمة:
إنتِ إزاى مسؤولة عن الحالة دى؟!
رنا:
هو أيه إلى إزاي حضرتك زى السكر في الشاي حضرتك.
الدكتور بغيظ:
إنتِ بتهزرى؟!
رنا بغيظ:
لا بتكلم جد.
الدكتور بغيظ:
هو ايه إلى بتتكلمى جد أيه الجنان ده مين قالك إنك تيجى الأوضة دى أصلاً ؟!
رنا:
أستغفر الله العظيم من كل ذنب عظيم مدير المستشفى.
الدكتور بصدمة:
نعم؟! أيه الهبل بتاعك ده ؟! بقى مدير المستشفى إلى قالك تيجى هنا؟!
رنا بنفاذ صبر:
ايوة وكمان كتبت تقرير باستلام الحالة عند حضرتك مشكلة.
الدكتورة بسخرية:
مشكلة عندى مشاكل أنا هروح لدكتور هيثم أفهم أيه المهزلة إلى بتحصل دى.
الدكتور سابها ومشي وهى كلمت نفسها:
لا حول ولا قوة إلا بالله العلي العظيم حتى الدكاترة مجانين أنا هدخل بقى قبل ما حد رابع ينط.
خبطت الباب بسرعة وفتحت الباب ودخلت لقت الأوضة فاضية السرير مترتب ومفيش حد خالص.
رنا بحيرة:
غريبة هو الحالة فين ؟! يمكن تكون نزلت وتمشي تغير جو ما علينا بس الاوضة تحفة أوى وفيها تكييف وتلفزيون و بلايستيشن وكوفى كورنر يا حلاوة يا ولاد هو المجانين أتمدنوا أوى كده ليه .
قعدت تتمشى فى الأوضة تتفرج على الحاجات إلي فيها لغاية ما لفت نظرها كرسي هزاز فى البلكونة.
رنا بلهفة:
الله كرسي هزاز ده أنا نفسى اجربه من زمان.
جريت بسرعة على البلكونة وقعدت عليه باسترخاء وغمضت عيونها وهي بتحركه ببطء.
رنا باسترخاء:
يا سلام العز وأكل الوز الله الوكيل أنا ما عايشه أه ياريتنى كنت مجنونة ده المجانين عايشين أحسن منى والله بس دى حالة مرفهة لكن لو أنا مجنونة هيحطونى فى عنبر مجانين مش أوضة زى دى.
وهى مسترخية حست بحاجة بتلف حوالين رقبتها رفعت ايديها تحسس لقت ملمس فوطة فتحت عيونها بسرعة وهنا كانت الصدمة لقت فوطة بتتلف حوالين رقبتها صرخت بسرعة:
