اسكريبت مريض نفسي
الكاتبة زينب سعيد القاضي.
….
فى أوضة عمر.
رنا خبطت الباب ودخلت.
رنا:
صباح الخير.
عمر:
صباح النور مالك؟! ليه مش بتبتسمى زي عادتك ؟!
رنا بهدوء:
مفيش عادى حابة أبلغك حاجة مهمة.
عمر:
خير؟!
رنا:
أتكتب ليك إذن خروج من المستشفى تقدر تخرج وتمارس حياتك بشكل طبيعي .
عمر بصدمة:
طيب وإنتِ؟!
رنا:
أنا هسيب المستشفى وهروح مستشفى حكومى مش حابة أفضل هنا أنا كنت هنا عشانك وبس وخلاص همشي بعد ما تخرج.
عمر:
مش هشوفك تانى!!
رنا:
ليه بس بتقول كده أكيد هنتواصل ونتقابل .
عمر:
بس ده مش كفاية أنا عايزك تفضلى جنبى.
رنا:
وقت ما تحتاجنى هتلاقيني.
عمر بتردد:
بس أنا مش عايزك جنبى مجرد دكتورة ومريض أنا عايزك جنبى دائمًا تتجوزينى ؟! أنا عارف إنك وارد جدًا ترفضى وحقك ليه تربطى نفسك بواحد مجنون زى.
رنا بغيظ:
إنتَ مش مجنون وإياك تقول على نفسك كده سامع ولا مش سامع؟!
عمر:
بس دى الحقيقة.
رنا:
يبقى كده كل الناس مجانين لأن مع الأسف كل الناس عندها اضطرابات نفسية في حياتها الفرق إنك جيت تتعالج فى مستشفى لكن ده مش عشان مجنون ده لإنك ببساطة كنت فقدت الثقة فى كل إلى حواليك ومحتاج تبنيها من جديد.
عمر:
كل إلى إنتِ قُلتيه ميفرقش معايا إلى يفرق معايا شئ واحد بس أنا عايز أتجوزك.
رنا:
ليه أنا بالتحديد ؟!
عمر:
لأنى ملقتش الأمان والراحة غير معاكِ إنتِ وبس عايزك جنبى أنا أنا حبيتك إمتى وإزاى مش عارف بس أنا بحبك وعايز أكمل إلى فاضل من عمرى معاكِ تتجوزينى؟!
رنا بابتسامة:
موافقة.
تمت بحمد الله.
