اسكريبت مريم

الجزء الرابع…..

 

أحمد:

طيب

 

شريف:

هو ايه الي طيب هي كلمة واحدة هتتجوزها ولا لأ

 

أحمد:

هتجوزها يا بابا

 

شريف :

ماشي يا حبيبي ربنا يوفقك يا رب العالمين بسبب يلا هقوم انام تصبح على خير

 

أحمد:

وأنت من أهل الخير يا بابا

 

في اوضة مريم

 

فتحية:

مسافرتيش ليه يا بنتي

 

مريم:

أحمد ساب ساندي

 

فتحية:

أيه ساب ساندي طيب والفرح إلي هيبقي بكره ده هيتلغي ولا هيعمله أيه

 

مريم:

لا مش هيتلغي والفرح هيام

 

فتحية:

هيتم إزاي من غير عروسة

 

مريم :

هيتجوزني أنا

 

فتحية :

هيتجوزك أنتي ازاي مس فاهمة حاجة

 

مريم:

ولا أنا فاهمة حاجة

 

 

فتحية :

طيب يعني انتي فرحك بكره

 

مريم:

ايوة

 

فتحية:

بزمتك واحدة تبقي فرحها بكره قاعدة تعيط

 

مريم:

وهي دي جوازة ولا أنا عروسة علي ما تفرج تفتكري لو في ظروف تانية غير دي كان ممكن شريف بيه يطلب ايدي فعلاً لأحمد

 

فتحية:

أيوة يا بنتي شريف بيه بيحبك وبيعزك زي بنته وأكتر

 

مريم:

بيحبني ويعطف عليا حاجة واني اكون مرات أبنه حاجة تانية ولو كان أحمد ظروفه غير مكنش هيفكر فيا بردوا

 

فتحية:

بت انتي بطلي هبل أنتي فاكرة أن شريف بيه ميقدرش يجوز أحمد ولا يلاقي ليه عروسة أحسن منك كمان

 

مريم:

أنا حاسة أني متلخبطة

 

فتحية:

لا دي أنتي أتجننتي خالص يا بت متخلبطة ليه فوقي لنفسك بقي كده أنتي بكره عروسة ده يوم يا بنتي مش بيجي غير مرة في العمر أضحكي كده وأفرحي هتعملي ايه في الفستان

 

مريم:

شريف بيه قالي نقي الفستان وهو هيبعت يجيبه

 

فتحية:

طيب مستنية ايه يا حبيبتي يلا ننقي الفستان

 

في اليوم التالي

 

شريف نازل من علي السلم ومريم في ايده بفستان الفرح

 

نزل تحت وأحمد قرب منه شريف سلم مريم لاحمد وخرج وسط المعازيم من غير ما يتكلم وهي عينها دمعت مريم في ايد والإيد التانيه ساند علي عكازه

 

خرجوا بره والناس استغربت أن العروسة مش هي خطيبته فعلاً وفي ناس كانت عارفة أن مريم شغالة عندهم وفيه لا كتب الكتاب اتعمل وأحمد ومريم في الكوشة الناس بدأت تيجي تبارك ليهم ويمشوا

 

بعد الفرح

 

أحمد دخل وطلع لوحده مريم انصدمت وقررت تطلع وراه تتكلم معاه

 

أحمد:

أيه إلي طلعك ورايا