اسكريبت مريض نفسي
الكاتبة زينب سعيد القاضي.
فتحت الباب بمرح وهي بنادى مامتها بمرح:
ماما يا ماما يا ست الكل .
فريدة بابتسامة:
حمد الله على السلامة يا ست البنات.
رنا:
الله يا يسلمك يا مامتي يا حلوة إنتِ طمنيني عاملة أيه النهاردة ؟!
فريدة بصفو نية:
الحمد لله.
رنا بمزاح:
لا يا غالية فهمتيني غلط قصدى عاملة أكل أيه ؟! أنا عصافير بنتى بتصوصو.
فريدة بغيظ:
واطية من يومك يا حيوانة وبعدين ده إنتِ واخدة أربع سندوتشات معاكِ لحقتى تجوعى؟!
رنا بعويل:
ما هو أنا مأكلتش غير واحد بس.
فريدة بحيرة:
ليه ؟!
رنا بحماس:
ليه بقى دى حكاية طويلة أوى الصراحة وأنا هقع منك عاملة أكل أيه؟!
فريدة بغيظ:
أه منك مفجوعة من يومك عاملة محشي.
رنا بفرحه:
هيه هيه هيه أحلا مامى في الدنيا كلها يا غالية.
فريدة بحب:
ماشي يا بكاشة هقوم أجهز ليكِ الغداء.
رنا بحماس:
ماشي يا غالية.
فى المستشفى.
تحديدًا فى غرفة عمر زهق من القاعدة على الكرسي ودخل قعد على السرير وهو بيبص للسقف بشرود لفت نظره كيس السندوتشات إلى على الكومدينو مد أيده وأخذه وفتحه وأخذ منه سندوتش وبدأ يأكله بنهم شديد وهو بيهمس بشرود:
طعم الأكل زى بتاعك يا أمى وحشتينى ياريتك كنتِ جنبى.
…..
فى بيت رنا.
بعد الغداء رنا حكت كل حاجة لمامتها.
رنا بحيرة:
ساكتة ليه؟!
فريدة بهدوء:
مستنية أقول أيه؟!
رنا :
قولى أى حاجة بس بلاش تسكتى كده أيه رأيك في إلى حصل.
فريدة:
إلى حصل طبيعي ووارد يا بنتى إنتِ دكتورة نفسية وإلى حصل ده مش آول ولا آخر مرة هيحصل إنتِ حبيتي المجال و اشتغلت يبقى خلاص تتقبليه بحلوه ومره.
رنا براحة:
الحمد لله كنت خايفة ترفضى أروح شغلي تاني.
فريدة بابتسامة:
الرب واحد والعمر واحد يا بنتي وأنا أستودعتك عند المولى عز وجل.
……
فى الصباح.
وصلت رنا المستشفى متأخر عشان فضلت طول الليل سهرانة على الملف بتاعة واتصدمت من كم الألم والوجع الى هو مر به غدر أعز أصدقائه خيانة مراته وقتلها أطفاله وكمان كان عايزين يقتلوه ليه حق يكون موجود هنا فعلاً.
وصلت عند باب الأوضة وخبطت وفتحت الباب وبصت حواليها تشوفه فين لقته واقف فى البلكونة دخلت بحذر وسابت الباب مفتوح وراحت ليه.
رنا:
صباح الخير.
بصي ليها ومردش.
رنا بملل:
بردوا مش هترد؟! أنا زهقت هفضل اكلم نفسى؟!
عمر بردوا مردش.
رنا بمرح:
خلاص هتكلم أنا مش أنا خلاص عرفت إسمك؟! طلع إسمك عمر حلو أكيد مامتك كانت بتسمع فيلم عمر وسلمى وهى حامل فيك صح؟! مممم بردوا مش هترد.
