اسكريبت مريض نفسي
الكاتبة زينب سعيد القاضي.
بتسمعى عنى فين يا شاطرة ؟! ووشى سمح وفيه قبول هو إنتِ كنتِ شوفتيني ؟!
رنا بعويل:
لا بس أهو أى كلام أجاملك به روح يا بعيد إلهى تشوف الوحش كله قادر يا كريم.
عمر بفحيح:
بقى بتدعى عليا كمان ؟! طيب أستلقى وعدك بقى من إلى هتشوفيه منى أنا هخنقك وبعد ما أخنقك هدبحك بالسكينة وأعلق رأسك علي باب الأوضة وألعب فيها نشان أما بقى باقى جسمك هقطعك حتت حتت صغننة خالص قد عقلة الصباع وبعدين بقى أولع فيكِ والرماد إلى هيطلع من جسمك هرميه فى الزبالة.
رنا بعويل:
الله يخربيتك يا بعيد حسبي الله ونعم الوكيل يعني هتخنقنى وتدبحنى وتقطعنى حتت ومش هاين عليك تدفنى بقى وترأف بيا لا عايز تولع فيا زى الهنود؟! أشوف فيك يوم يا بعيد ميطلعش له شمس قول إن شاء الله.
عمر ببرود:
خلصتى ندب خلاص يا شاطر مش عايز أسمع صوتك بقي خلينى أعرف أشوف شغلى بقى.
رنا برجاء:
طيب حاجة أخيرة بس.
عمر بنفي:
لا ومش عايز أسمع صوتك.
رنا بعويل:
يا سيدي هقول كلمة واحدة بس.
عمر بنفي:
بردوا لا وأخرسي خالص بقى.
رنا بغيظ:
يا شيخ ما كان زمانى قُلت وعند فيك هقول .
عمر بفحيح:
أخلصى عايزة تقولى أيه وعلى العموم لو هتطلبى أسيبك لا عشان هقتلك يعني هقتلك ومفيش قوى فى الكون هتقف صدى إنتِ خاينة والخاين لازم يموت.
رنا بعويل:
خاينة ولازم أموت يا أبنى أستهدى بالله إنتَ ولا تعرفنى ولا أعرفك بص إنتَ مش هتستفاد حاجة لما تقتلنى بالعكس تمامًا يا شاطر إنتَ كده هتتسجن وتتعدم.
عمر بفحيح:
توء توء توء مين قال كده؟! أنا مريض نفسي ومجنون يعني مش هتحاسب يا شاطرة.
رنا بغيظ:
يا دى النيلة هو إنتَ أه مجنون بس الصراحة ذكى وبتفهم طيب نتفق اتفاق تانى؟!
عمر برفض:
لا وكفاية رغى خلينى اخلص.
رنا برجاء:
آخر طلب والله.
عمر بانزعاج:
انطقى عايزة تقولى أيه؟!
رنا برجاء:
بصي إنتَ تسبني وأنا همشي من هنا ومش هتشوف وشي تانى خالص ليه تقتلني بس أنا لو موت عفريتي هيطلع ليك .
عمر ببرود:
مش بخاف من العفاريت.
رنا بنفاذ صبر:
بلاش دى مش هتعرف تمام من تأنيب الضمير عشان قتنلتني قتلت نفس بريئة دون وجه حق.
عمر بفحيح:
أنا كده كده مش بعرف أنام غير بالمهدئات يعنى هقدر أنام لسه فاضل حجج تانية عايزة تقوليها؟؛
رنا بعويل:
مع الأسف مفيش وكده مبقاش عندى غير حل واحد أنى أتشاهد على روحى وإنتَ يا عم الحج متنساش تتشاهد وتسمى قبل ما تدبح.
