رواية طلقني زوجي
الكاتبة زينب سعيد القاضي
……… بقلم زينب سعيد…………….
في شقة والدة علي.
في الصباح تستيقظ والدة علي مبكرا وتذهب من أجل إيقاظ علي الغافي بلهفة فهذه فرصتها حي تنتقم من نهي ولن تدعها تمر.
……… بقلم زينب سعيد…………….
في غرفة علي.
ينام بعمق من تعب السفر يستيقظ علي صوت والدته التي تقف بجواره وتصيح به كي يستيقظ.
علي بنعاس ومازال نائم علي وضعه:خير يا أمي ؟
إنتصار بغل:قوم يا روح أمك أنت جي تنام ليا هنا قوم أطرد إلي فوق دول.
علي بتعب:هرتاح يا أمي بس شوية عشان خاطري.
إنتصار بشر:قوم يا علي أخلص أحسنلك.
ينهض علي ويجلس علي سريره بتعب :طيب ممكن تعمليلي كوباية قهوة.
إنتصار بغل:القهوة دي هشربها في عزاك يا أخويا قوم أخلص.
وقف علي بتعب وخرج من الغرفة ومن ورائه والدته.
……… بقلم زينب سعيد…………….
في الأعلي.
تجلس نهي وعائلتها المكونة من والدها ووالدتها وشقيقتين وشقيقين يتناولون الإفطار.
رن جرس الباب ليقف شقيق نهي الأكبر سعد ويفتح الباب ليجد علي ووالدته من بالخارج.
تحدث ببرود:نورت يا جوز أختي أتفضل بس لوحدك الست دي ملهاش دخول هنا.
تحدث علي بعصبية:هي مين دي إلي ملهاش دخول هنا ده بيتي وبيت أمي .
سعد بسخرية :بقولك أيه يا أبو نسب عايز تدخل أدخل مش عايز بالسلامة خلي أمك تنفعك دي شقة أختي.
إنتصار بعصبية :شقة مين يا أخويا دي شقتنا أحنا ويلا بقي خد أختك وأهلك في طريق السلامة.
يأتي الجميع علي صوتها وتتحدث نهي بسخرية :حمد الله علي السلامة يا حبيبي جيت إمتي ؟
علي بعصبية :جنابك قافلة موبايلك ليه وأيه إلي عملتيه مع أمي ده يا نهي بتعملي ليها محضر عدم تعرض هي وأخويا أنتي أتجننتي ده بيتي يا حلوة ويلا بقي من غير مطرود وورقة طلاقك هتوصلك.
والد نهي ببرود:عايز تطلق طلق يا خفيف ومع السلامة من غير ما طرود دي شقتنا أحنا.
علي بعصبية :أنت بتقول أيه يا راجل أنت ؟
حسن بعصبية:ما تلم الدرو بدل ما نطلب ليكوا البوليس يرموكوا بره.
علي بعصبية: ترموا مين أطلب البوليس يا حبيبي هيرموكوا أنتو بره بيتي.
نهي ببرود :هيرمونا من شقتنا بردو ولا أنتو الي بتتهجموا علينا هاتله صورة من عقد الشقة يا حسن.
