رواية طلقني زوجي
الكاتبة زينب سعيد القاضي
تحدث فريد بصدمة:علي .
علي بهدوء :أه يا فريد أيه هنفضل واقفين علي الباب مش هتدخلني ولا أيه ؟
فريد بلهفة :لا أدخل.
دخل علي بلهفة وذهب لأحضان والدته وبعدها شقيقته.
بعد مرور نصف ساعة.
يجلس علي مع والدته وأشقائه وتحكي له والدته عن ما فعلته نهي معهم.
تحدث علي بصدمة:بقي ده كله يحصل من نهي .
إنتصار بغيظ:شوفت كل الي عملته كوم وأنها تعملي محضر أنا وأخوك كوم تاني.
علي بسخرية :مش دي إختيارك يا ماما ؟
إنتصار بغيظ:كان إختيار أسود بس أنا قلت أن دي صحبت الست مريم وأكتر واحدة تكيد مريم وتفريسها.
علي بسخرية: وفرستنا أحنا صح.
إنتصار بغيظ:جري أيه يا علي مالك جاي قالب عليا ليه؟
علي بحزن:نفسي أشوف بنتي يا أمي.
إنتصار بغيظ:أنسي الموضوع ده خالص دلوقتي وبعدين نشوف موضوع بنتك يا أبو بنت أنا راحة أتخمد يلا يا عيال قوموا ناموا.
فريد وندي :حاضر يا أمي.
غادروا لكي يناموا وظل علي يجلس بمفرده بحزن ذهب بعدها لكي ينام هو الاخر فما باليد حيلة.
……… بقلم زينب سعيد…………….
في فيلا يوسف.
عاد يوسف متأخرا ليجد والدته تجلس تنتظره كالعادة ليلقي عليها السلام بهدوء:السلام عليكم .
ليلي بهدوء :وعليكم السلام حمد الله علي سلامتك.
يوسف بهدوء :الله يسلمك بعد إذنك أنا رايح أنام تصبحي علي خير يلتفت كي يغادر.
لكن وقف علي صوت والدته:حلوة مريم ؟
نظر لوالدته باستغراب :مريم مين ؟
ليلي بخبث:ما أنت عارف طبعا أن ضهري تعبني ومحتاج جلسات علاج طبيعي روحت المستشفي عندك وكشفت هناك عند دكتورة مريم بتاع العلاج الطبيعي.
جلس يوسف ويتحدث بهدوء:روحتلها ليه يا أمي للدرجة دي مش واثقة فيا ومصدقة ميرا وروحتي تتأكدي من كلامها ؟
ليلي بنفي:لا يا أبني انا روحت أشوف مين إلي قدرت تخطف قلبك كان عندي فضول أشوفها أنا بثق فيك يا أبني اكتر ما بثق في نفسي.
يوسف بحب:وأيه رأيك في إختيار إبنك بقي يا ست الكل ؟
ليلي بهدوء:زي البدر المنور ومحترمة ماشاء الله.
يوسف بهدوء :الحمد لله أنها عجبتك.
ليلي بهدوء:طيب هتخطبها إمتي ولا ناوي علي ايه أنا حابة علاقتك معها تبقي رسمية مش كدة ممكن أي حد ياخد باله ويتكلم زي ست ميرا ما أتكلمت.
