اسكريبت نور
الكاتبة زينب سعيد القاضي
إنت لسه مصمم ؟!
شهاب:
وأكتر من الأول فكري على راحتك وأنا مش مستعجل ومنتظر ردك بالموافقة….
نور:
يبقى هتستنى كتير.
شهاب:
مستعد أستناكي العمر كله بعد إذنك.
شهاب مشي وساب نور في أفكارها..
يوم وراء يوم بيعدي وكل يوم نور تدخل المكتب تلاقي بوكيه ورد أحمر عليه اسمها وشهاب منتظرها بأحلى ابتسامة ولا بيكل ولا بيمل.
……..
في الكافتيريا…
نور قاعدة لوحدها بتشرب قهوة فجأة لقت شهاب قدامها.
شهاب:
ينفع أقعد؟!
نور:
مينفعش الموظفين هيقولوا إيه ؟!
شهاب شد الكرسي وقعد:
هو أنا كان ممكن أمشي لو قلتي متقعدش لكن طالمها فرق معاكي كلام الناس يبقى أقعد.
نور:
خير عايز إيه؟!
شهاب:
فكرتي؟!
نور:
لسه بفكر مش قولتلك هتسنى كتير ؟!
شهاب:
مستعد أستناكي العمر كله يلا هسيبك وأشوف شغلي بعد اذنك.
شهاب قام مشي ونور كملت شرب القهوة.
…….
بعد مرور عدة أيام…
في مكتب شهاب كان قاعد هو وناجي صاحبه.
ناجي:
عملت إيه في موضوع نور؟!
شهاب:
لسه بتفكر.
ناجي:
نعم لسه بتفكر؟! وجنابك هتفضل واقف مستنيها ولا إيه؟!
شهاب:
هستناها العمر كله.
ناجي:
على إيه؟! وهي شايفة نفسها على إيه ؟! دي واحد عانس مش لاقية حد يبصلها.
شهاب محسش بنفسه إلا إنه قام من مكانه وهجم على ناجي وضربه بالبوكس:
إخرس يا حيوان قطع لسانك.
ناجي بصدمة:
بتضربني؟! بتضرب صاحب عمرك عشانها؟!
شهاب:
وأقتلك كمان لو جبت سيرتها بحرف.
الأمن جه فصلوا بينهم وخدوهم للمدير.
…….
في مكتب المدير….
المدير:
عايز أعرف إيه اللي حصل بالظبط ؟! إنتوا فاكرين نفسكم فين؟! إنتوا في شركة محترمة يا بهوات.
شهاب:
هو اللي غلط يا فندم.
المدير:
عمل إيه يعني يوصلك تضربه ؟!
شهاب:
غلط في آنسة نور وقال عليها عانس.
المدير:
إنت اتجننت يا ناجي ولا إيه؟!
ناجي:
أنا آسف يا فندم.
المدير:
ولو ده حصل إنتَ مالك ؟!
شهاب:
أنا اتقدمت لآنسة نور وحتى لو متقدمتش ليها هي زميلة لينا مشوفناش منها غير كل خير.
المدير:
عندك حق ومبارك مقدما أستاذ ناجي أي تقليل منك أو غلط في الموظفين وقتها مش هيحصلك كويس اتفضلوا على شغلكم.
……
في مكتب شهاب وناجي.
ناجي بآسف:
