اسكريبت نور
الكاتبة زينب سعيد القاضي
فتحية فرحت لكن حاولت تخبي:
ده كل اللي أنا عايزاه فرصة بس.
نور:
بس يا ماما لو حسيت إني مش مرتاحة هقول لأ.
فتحية:
طبعًا الراحة مش بتتفرض براحتك يا حبيبتي وتأكدي إني في ضهرك مهما كان رأيك أمك هي سندك ودعمك وهي جيشك الوحيد لو كل الناس ضدك وقالوا إنك غلط أنا هقول إنك صح وإني في ضهرك.
نور قربت منها وحضنتها:
ربنا يخليكي ليا.
فتحية حضنتها أقوى:
ربنا يطمن قلبك يا بنتي ويختار لك الخير.
……
في بيت شهاب.
رجع البيت وقعد مع والدته وحكى ليها اللي حصل.
شهاب:
هو ده اللي حصل يا أمي تفتكري هتوافق ولا هترفض؟
ناهد:
والله يا ابني ما أنا عارفة هي من حقها تقلق من فرق السن إذا كان أنا نفسي قلقانة من فرق السن هي هتعمل إيه بس عشان إنت موافق وعجباك فأنا معاك.
شهاب:
ربنا يخليكي ليا يا حبيبتي إنت لما تشوفيها وتعرفيها هتحبيها.
ناهد:
ربنا يقدم اللي فيه الخير يا ابني.
شهاب:
دعواتك يا أمي.
ناهد:
بدعيلك يا قلب أمك من غير ما تقول هو أنا عندي مين غيرك أدعيله يا حبيبي.
شهاب:
حبيبتي يا ست الكل ربنا يبارك فيكي يا غالية.
…..
في الصباح….
نور وصلت الشغل ودخلت مكتبها، لقت بوكيه ورد أحمر.
نور بصدمة:
إيه الورد ده بيعمل إيه هنا ومين جابه؟!
شهاب جه من وراها وقال:
أنا اللي جبته.
نور بصدمة بصت وراها:
إنت ليه تعمل كده؟!
شهاب:
حبيت أصبح عليكي بطريقتي.
نور:
ميصحش كده عيب.
شهاب:
لا مش عيب ولا حرام يبقى إيه المشكلة؟
نور:
الناس هتقول إيه؟!
شهاب:
لا حول ولا قوة إلا بالله العلي العظيم يادي الناس اللي إنتِ شايلة همها أنا مليش دعوة بكلام الناس ولا غيره طالما مش بنعمل حاجة غلط ولا حرام تغضب ربنا يبقى كل اللي يتقال تحت جزمتي الناس مش بتسكت في أي حال من الأحوال.
نور:
إحنا مش عايشين لوحدنا.
شهاب:
بس دي حياتنا إحنا مش من حقك أي حد يدخل فيها ولا يتكلم عنها.
نور:
هو إنتَ ليه بتفكر كده ؟!
شهاب:
بفكر كده عشان ده الصح.
نور:
ده من وجهة نظرك إنتَ؟!
شهاب:
المنطق والعقل بيقولوا كده لو إنتِ فكرتي زي كده هترتاحي.
نور:
ياريت ينفع.
شهاب:
هينفع بإذن الله فكرتي في موضوعنا؟!
نور:
