رواية طلقني زوجي
الكاتبة زينب سعيد القاضي
في الخارج.
يجلس الجميع علي السفرة يتناولون العشاء ويوسف يحمل فرح ويطعمها بيده بإستثناء مريم التي رفضت الخروج لتناول الطعام معهم ليستأذن يوسف بعدها ويغادر.
ليذهب الجميع بعدها للنوم فهم لن يتحدثوا مع مريم في شئ فهذه رغبة يوسف .
……..….. بقلم زينب سعيد………………
في فيلا يوسف.
تجلس والدته تنتظره كالعادة ليدخل ويسلم عليها بإبتسامة:مساء الفل يا ست الكل.
ليلي بإبتسامة :مساء النور يا حبيبي .
ليجلس يوسف بجانبها ويتحدث بهدوء:في حاجة كنت حابب أعرفها ليكي وأتمنى متزعليش مني.
ليلي بإستغراب: أيه هي حبيبي خير .
يوسف بهدوء :أنا كتبت كتابي .
ليلي بصدمة: أنت بتقول أيه أتجوزت مين وإمتي.
يوسف بهدوء: مين مريم إمتي من خمس أيام .
ليلي بصدمة: ازاي هي مش متجوزة أنا مش فاهمة حاجة.
يوسف بهدوء:هحكيلك.
……..….. بقلم زينب سعيد………………
فلاش باك.
منذ خمسة أيام يجلس يوسف في مكتبه يتابع أعماله بتركيز شديد.
ليطرق الباب وتخبره أحد الممرضين بأن شخص ما يريد مقابلته .
ليأذن لها يوسف بتدخيله.
ليدخل الشخص بعد ثواني ويقف أمام يوسف.
ليقف يوسف ليرحب بالشخص:أهلا وسهلا مين حضرتك.
لينظر له الشخص ببرود :أنت بقي دكتور يوسف.
يوسف بإستغراب: أيوة أنا مين حضرتك.
هو بسخرية: حضرتي شهاب أخو دكتورة مريم إلي حضرتك بهدلتها ومسحت بيها الأرض عشان مطلقة وعندها بنت وبسبب حضرتك تخليها ترجع بإيدها للعذاب من تاني.
يوسف بصدمة:أنت بتقول أيه أنا مش فاهم حاجه.
شهاب بسخرية :مش فاهم أيه إنك دبحتها بسكينة باردة ودمرتها من تاني.
يوسف بنفي :أنا مش فاهم حاجة إلي أعرفه أن مريم متجوزة وجوزها مسافر برة وهي كانت عايزة تتجوزني عشان فلوسي .
شهاب بسخرية: لا والله أمال كانت بتحب حضرتك أزاي علي جوزها.
يوسف بإحراج : الكلام الي وصلي أن مريم متجوزة ومخلقة وجوزها مسافر برة وأنها بتشاغلني عشان فلوسي ولما روحت لمريم وجهتها ما أنكرتش .
شهاب بسخرية :منأكرتش أيه أنها متجوزة وينصب عليك متقول كلام يدخل العقل يا دكتور.
يوسف بهدوء:طيب ممكن تقعد ونتكلم بهدوء وعقل .
ليجلس شهاب ويتحدث بهدوء:أتفضل فهمني بقي.
