رواية طلقني زوجي

يوسف بهدوء: حتي لو كلامك صح لو هي واحدة محترم وعلي زمة راجل المفروض متبصش لغيره أيا كان حتي لو هيطلقوا.

محمد بتفكير :هي ماما عرفت منين.

يوسف بهدوء: مش عارف.

محمد بتفكير: أزاي مش عارف الشخص الي ماما عرفت منه هو الي عنده حل اللغز ده.

يوسف بحزن: خلاص مبقتش تفرق.

محمد بزهول :يعني أيه هتتخلي عن حبك خلاص.

يوسف بحزن: المفروض أعمل ايه دي واحدة متجوز وعندها طفلة .

محمد بهدوء: طيب عشان خاطري حاول تسمعها.

يوسف بنفي: الموضوع ده إنتهي خلاص يلا عشان أروح.

محد بحزن :زي ما تحب.

يوسف بهدوء: هغير هدومي ونمشي سوا.

محمد بإيجاب: حاضر.

ليذهب يوسف لتغير ملابسه وذهبوا بعدها إلي فيلا يوسف.

…………….بقلم زينب سعيد………….

في شقة والد مريم.

تجلس مريم في أحضان والدتها ووالدتها ترقيها بأيات الذكر الحكيم.

لتتحدث مريم.بدموع:ماما هو أنا وحشة ومتحبش.

رقية بحزن :مين قالك كده بس أنتي كل الناس بتحبك يا مريومة.

مريم بسخرية:مين دول طليقي إلي ضحيت بكل حاجة عشانه رماني رمية الكلاب وأتجوز صحبة عمري ولا الشخص إلي حبيته من كل قلبي وفتحتله قلبي من جديد يخلي بيا عشان عرف أني مطلقة وعندي بنت هو أنا ليه حظي كده يا أمي أنا تعبت بجد من حياتي دي.

رقية بحزن:بس يا حبيبتي متزعليش نفسك ربنا يعوضك عن تعبك ده كله يا بنتي صدقيني.

مريم بحزن: مش هتفرق يا أمي أنا هعيش عشان بنتي وبس معلشي يا أمي تسبيني أنام شوية.

رقية بإيجاب: حاضر يا بنتي لتغادر والدته وتحدث مريم حالها :خلاص يا يوسف أنت إنتهيت بالنسبة ليا أنا كفاية عليا بنتي أوي أربيها وأكبرها وأعوضها عن الأب حتي الشغل عنده مش هروحه تاني لتحاول بعدها النوم كي تهرب من حزنها الدفين.

…………….بقلم زينب سعيد………….

في فيلا يوسف.

يعود هو وشقيقه للمنزل ليجدوا والدته تجلس بإنتظارهم بلهفة.

لتركض إتجاه يوسف وتحتضنه بحنان.

ليتحدث يوسف بهدوء :مالك يا أمي بس أنا بخير قدامك أهو.

ليلي بحزن: كده بردو تقلقني عليك يا قلب أمك.

يوسف بهدوء: أطمني يا أمي أنا بخير أنا رايح أنام.

ليغادر سريعاً تاركا والدته وشقيقه ينظرون في أثره بحزن.