نوفيلا أقدار شيدت بالماضي
الكاتبة زينب سعيد القاضي
أطلق زفيرًا حادٍ وأجابها بضيق:
-هما السبب في اللي حصل منهم لله.
قطبت جبينها بحيرة وتسألت باهتمام:
-لأ معلش مش فاهمة يعني هما أهل مرات ابنك ليه يحاولوا يخلصوا عليها؟
رد باختصار:
-بصي يا بنتي من البداية كان فيه تار بين العائلتين ووقفنا النار بجواز ابني من بنتهم والحكاية خلصت، لغاية اللي حصل من شهرين ابن أخويا شاب صغير لسه بيتعلم السواقة وخبط عيل صغير بالغلط ومات العيل ده يبقى ابن ابن عم مرات ابني حاولنا نتفاوض ونقدم كفن ودية رفض أخويا سفر ابنه بره مصر خالص خايف يخلصوا عليه وأنا سفرت ابني ومراته هنا في القاهرة عشان أحميهم بس ابن عمها حصلهم لهنا ومرتحش غير ما خلص عليهم حسبي الله ونعم الوكيل فيهم.
الآن تأكدت ظنونها أنهم هم من تسببوا في الحادث وأن ما فعلته هو الصواب ترددت في إخباره بأمر الطفل، فكررت أن تنتظر حتى تعلم ماذا سيحل بالمريض، فاقت من شرودها على صوت الآخر، فتساءلت باهتمام:
-نعم يا حج حضرتك بتقول إيه؟
أجابها بهدوء:
-أيوه يا بنتي بقولك في حاجة عايزة تقوليها؟
حركت رأسها نافية وأجابت بتردد:
-لأ لأ يا حج كنت بطمن بس لإن الشخص اللي أستلم مرات ابن حضرتك مريب.
تنهد بأسى وقال:
-حسبي الله ونعم الوكيل فيه.
سألت بفضول:
-طيب طالما حضرتك عارف إنه هو ليه مبتبلغوش البوليس؟
أجابها بهدوء:
-مفيش بوليس بيدخل بينا يا بنتي.
قطبت جبينها بحيرة وتسألت:
-نعم؟! طيب ليه ؟ القانون أفضل من التار على فكرة.
أومأ بتأكيد:
-أيوه يا بنتي بس مين يسمع.
تنهدت بقلة حيلة وقالت:
-ربنا يصبر قلبكم يا رب العالمين بعد إذن حضرتك هروح أشوف شغلي ولو احتاجت حاجة نادي عليا.
رد بامتنان:
-كتر خيرك يا بنتي معلش لو مش هتعبك عايز أدخل أشوف ابني.
أومأت بتفهم وقالت:
-حاضر من عنيا يا حج بس الله يباركلك مطولش عنده علشان هو حالته متسمحش أصلًا إن حضرتك تشوفه من الأساس.
رد بلهفة:
-مش هطول يا بنتي اطمني المهم اشوفه وأملي عيني منه.
هتفت بايجاب:
-تمام أتفضل معايا.
٭٭٭٭٭
دلف إلى الداخل بخطى مرتعشة وعينيه مسلطة على نجله الذي يرقد فوق الفراش ج/ثة هامدة موصل بجسده العديد من الأسلاك والخراطيم، لا يصدق أن هذا نجله أصبح هكذا لا حول له ولا قوة يصارع الموت، وقف أمامه وقبل جبهته باشفاق:
