نوفيلا أقدار شيدت بالماضي
الكاتبة زينب سعيد القاضي
– يا ريت الهدوء اللي نايم فيه ده يزور قلبي شوية بس…
عادت مرة أخرى إلى الرضيع، نظرت إليه مطوّلًا. لم يكن يشبهها في شيء، لا ملامح ولا ملامسة، ومع ذلك كان في وجهه شيءٌ يربكها لمحة حزن مألوفة، كأنها تعرفها منذ زمن.
همست وهي تمرر أصابعها على خده:
– يا رب… ليه القدر دايمًا بيلعب بينا اللعبة دي؟ يعني ابني راح وإنتَ والدتك راحت يا ترى هترجع لأهلك ولا هتفضل معايا بس لو فضلت معايا هبقى بظلمك مش هقدر أسجلك يا حبيبي يمكن من رحمة ربنا بابني إنه استبدل معاك عشان حتى تصريح دفنه مكنتش هقدر أطلعه ليه، تعرف يا حبيبي الدنيا دي وحشة وقاسية أوي ربنا يسترها معاك ومعايا ويرحم ابني يا رب العالمين، عارف أنا كنت هسمي ابني إيه؟ كنت هسميه سند عشان هو كان هيبقى سندي وعزوتي بس طالما هو راح أنا هناديك سند زي ما كنت هسميه يا حبيبي لغاية ما ترجع لأهلك وهما اللي يسموك زي ما يحبوا.
نهضت بتثاقل كي تحضر الإفطار إلى نفسها، وأثناء مغادرتها الغرفة وقفت للحظة تنظر إلى الرضيع، بين الحيرة والشفقة، قبل أن تستدير نحو الباب بخطوات بطيئة، تحمل في عينيها أكثر مما تستطيع قوله.
٭٭٭٭٭
تقدمت بخطوات مترددة تجاه الكهل وتحدثت بنبرة هادئة قدر الإمكان:
-السلام عليكم ورحمة الله وبركاته.
رفع راغب رأسه عن العصاة ورد عليها بصوت منهك:
-وعليكم السلام ورحمة الله وبركاته.
تساءلت بحذر شديد:
-هو حضرتك والد الأستاذ حسان؟
أومأ بايجاب وتسأل بلهفة:
-أيوه يا بنتي هو ماله ؟ هو كويس صح؟
حركت رأسها سريعًا بإيجاب وقالت:
-أيوه بخير الحمد لله اطمئن..
تنهد بارتياح وقال:
-الحمد لله يا بنتي وقعتي قلبي خايف يروح مع اللي راحوا منهم لله اللي كانوا السبب.
اقتربت منه بحذر، واستطردت مستفهمة:
-هما مين دول السبب هي مش حادثة عادية؟
ابتلع ريقه بصعوبة شديدة ورد بنبرة منكسرة:
-لأ يا بنتي مع الأسف الشديد لأ .
تسألت بفضول:
-أمال إيه السبب؟
أجاب بهدوء:
-التار يا بنتي هربته هو ومراته هنا في القاهرة جم وراهم وق/تلوهم حسبي الله ونعم الوكيل مرات ابني وحفيدي وكمان ابني الحيلة بين الحياة والموت.
تنهدت بأسى وقالت:
-لا حول ولا قوة إلا بالله العلي العظيم ربنا يصبرك يا حج طيب هو أهل مرات ابنك استلموا الج/ثة بالليل بس شكلهم مش مريح خالص.
