اسكريبت شاكر وفريدة

 

شاكر:بقي كده تمام انا رايح مكتبي لو فيه شغل أو حاجة جديدة بلغوني.

 

احمد :تمام يا استاذ احمد.

 

……….

 

في المساء.

 

شاكر رجع البيت لقي فريدة قاعدة مستنياه لابسة فستان حلو.

 

شاكر:سلام عليكم.

 

فريدة:وعليكم السلام يا حبيبي .

 

شاكر:انتي خارجة ولا ايه ؟

 

فريدة:لا يا حبيبي قاعدة مستنياك.

 

شاكر :بجد ؟ ده أيه الرضا ده كله يا هانم من امتي ؟

 

فريدة:من دلوقتي.

 

شاكر:لا كتر خيرك يا هانم الإهتمام مش بيطلب.

 

فريدة:في ايه بس يا شاكر قولي ايه الي يرضيك.

 

شاكر:مش عايز حاجة منك انا رايح أتخمد.

 

فريدة:أستني يا شاكر انا عايزة أفهم فيك ايه ؟ ايه الي مغيرك كده من ناحيتي .

 

شاكر:هيكون ايه يا هانم غير إهمالك ليا .

 

فريدة:لا يا شاكر طريقتك دي بتأكد أن فيها واحدة ست صح ولا غلط.

 

شاكر:ولو نفترض فيها واحدة ست يا هانم ده يبقي دافع ليكي تهتمي بنفسك وبيا انا تعبت.

 

سابها وراح ينام وهي قعدت تعيط.

……..

في يوم.

 

شاكر:مروة تعالي عايزك تمليني شوي طلبيات .

 

مروة :بس انا مش فاضية يا فندم شوف حد غيري.

 

شاكر:نعم اشوف حد غيرك من امتي ده؟

 

مروة:من دلوقتي حاليا عندي شغل وسبني اكمله.

 

شاكر :بقي كده ماشي يا مروة خليكي فكراها.

 

مروة: بعد اذنك اشوف الزبونة.

 

الفصل الثاني 

 

بعد كام يوم زاد تجاهل مروة لشاكر.

 

راح لها: مروة تعالي عايزك.

 

مروة:مش فاضية.

 

شاكر:قولتلك تعالي عايزك عشان موضوعنا.

 

مروة :موضوع ايه ؟

 

شاكر:موضوع جوازنا يلا بقي اخلصي.

 

مروة:ماشي لما نشوف آخرتها.

 

في مكتب شاكر.

 

مروة:خير أتكلم عايز تقول ايه ؟

 

شاكر:خلاص هفاتح فريدة في موضوع جوازنا.

 

مروة:والله وأيه إلي خلاك تغير رأيك كده ؟

 

شاكر:إكتشتفت أني مقدرش أبعد عنك.

 

مروة :بجد طيب كويس إنك عرفت قمتي هتكلم مراتك إمتي 

 

شاكر:يومين بالكتير.

 

مروة:النهاردة أنا بصراحة أنا متقدم ليا واحد.

 

شاكر:انتي بتقولي ايه بتهزري صح ؟

 

مروة :لا بتكلم جد وآخرك معايا النهاردة.

 

شاكر:ماشي يا مروة النهاردة عشان تعرفي بحبك قد ايه.

 

مروة: لما نشوف بتحبني فعلا ولا كلام إبن عم حديث.