اسكريبت شاكر وفريدة
الكاتبة زينب سعيد القاضي
إبتسمت العميلة بإعجاب وتمتمت:
-تسلم إيدك تحفة يا فريدة.
تنهدت هناء براحة وقالت:
-طيب الحمد لله أنه عجبك يلا غيره عشان أظبطه.
أماءت بخفة وقامت بتغيره وإعطائها إياه مرددة بحيرة:
-أنتي عرفتي أن المحلين إلي في وسط البلد أتباعوا ؟
تطلعت له بصدمة وتمتمت:
-أتباعوا أزاي؟
رفعت كتفيها بحيرة:
-مش عارفة والله.
فريدة:
لا حول ولا قوة إلا بالله.
العميلة:
متزعليش نفسك طليق يستاهل.
فريدة:
ليه هو عمل ايه؟
العميلة:
مبقاش ينزل شغل جديد غير الفرح الي عمله.
فريدة:
هو عمل فرح؟
العميلة:
مش اي فرح كمان ده كان فرح أسطوري.
فريدة:
للدرجة دي ؟
العملية:
وأكتر كمان ومبقاش ينزل الشغل ولا بنشوفه من الاساس انتي نفدتي منه وربنا كرمك اهو وفتح عليكي.
فريدة:
الحمد لله كله من كرم ربنا.
العميلة:
ونعم بالله يلا همشي انا سلام عليكم.
فريدة:
وعليكم السلام.
………
في شقة عديلة.
عديلة:ايه الفلوس دي يا بت ؟ دول ملاليم !
مروة:المحلات راحت يا أما والحال واقف.
عديلة:نعم يا عنيا والعمل ايه ؟
مروة:مش عارفة انا مش هرجع للفقر تاني .
عديلة:يعني ايه أنتي بتفكري في ايه ؟
مروة:اطلق واخلص منه ونشوف غيره .
عديلة:اه بس خدي بالك دلوقتي هتبقي مطلقة يا بنتي يعني مش هتلاقي صيده سهلة.
مروة:وايه يعني مطلقة بس حلوة وصغيرة والف مين يتمناني وبكره تشوفي.
عديلة:ماشي يا بنتي لما نشوف.
الفصل الرابع والأخير.
بينما علي الجانب الآخر تدهورت حالة شاكر المادية كثير وقام بتسريح العمال من المحل ويجلس هو بمفرده وقد إنخفض وزنه بشكل كبير وكبر سنا فوق سنه من كثرة شيل الهم وكذلك أصبحت ملابسه غير منظمة ومتسخة بإستمرار….
فتح باب الشقة ودلف بوهن وكالعادة الشقة غير نظيفة وزوجته المصون نائمة لا يوجد طعام ولا غيره ، وضع مفتاحه علي الطاولة وإتجه إلي المطبخ قام بفتح الثلاجة ولم يجد بها سوي خبز وعيش قام بإخراجه وإبتسم ساخرا عندما وجد علب الطعام الفارغة التي أحضرها في غيابه وتتناولها إتحه إلي الخارج وجلس علي المقعد بحزن وهو يتناول الطعام بغصة مريرة فقد إشتاق إلي زوجته وأطفاله وذكرياتهم سويا فاق من شروده علي دخول زوجته المطبخ.
