نوفيلا أقدار شيدت بالماضي

الفصل الرابع في الصعيد وتحديدًا في قصر آخر لا يقل فخامة عن سابقه، يجلس كهلًا كبيرًا ونجله يتشاورون في أمر هام. تحدث الكهل باستياء: -عايز أفهم ابنك هيعقل ويرجع إمتى يشوف مصالحه؟ أجاب نجله ببرود: -لما ياخد تار حفيدي. تنهد الكهل بنفاذ صبر: -ياخد تاره من مين؟ عايز يقتل بنت عمه؟ وبعدين الحادثة كانت قضاء وقدر وحسان ملوش دخل فيها. رد نجله بغيظ: -ومين بقى اللي قالك يا أبوي إنه قضاء وقدر هما مش قاصدين يقتلوا حفيدي؟ زفر بضيق وقال: -لا حول ولا قوة إلا بالله العلي العظيم أنا مش فاهم دماغك إنتَ وابنك متركبة إزاي ولما ابنك يقتل زوج بنت عمه ويرملها ويتم ابنها اللي لسه مشفش النور كده هيشفي غليله؟ طيب ما الواد الصغير مسيره يكبر وياخد تار أبوه هو كمان شكلك ناسي الجوازة دي تمت ليه عشان الصلح بين العائلتين ولا نسيت؟ زفر بنفاذ صبر وقال: -لأ منستش بس هما اللي نسيوا يوم ما ابن عمه دهس حفيدي تحت عربيته. ضرب الكهل كف بكف وصاح بانفعال: -لأ حول ولا قوة إلا بالله العلي العظيم هو إنتَ إيه مش بتفهم في حاجة اسمها قضاء وقدر اسمها إيه قضاء وقدر حفيدك لو مكنش مات في حادثة العربية كان هيموت بردو لأن ده قدره وده ميعاده محدش بيموت ناقص العمر يا ابني. أطلق زفيرًا حادٍ وقال: -أستغفر الله العظيم من كل ذنب عظيم ماشي لو كان مات عادي مكنتش هتكلم وناري كانت هتبرد لكن يموت على ايد العائلة دي لأ. أطلق الكهل زفيرًا حادٍ فهو على يقين أن نجله وحفيده لن يتوقفوا عن ما يفعلوه، ومن المؤكد سوف تفتح أبواب الجحيم عليهم لا محالة. أثناء ذلك استمعوا إلى أصوات طلق ناري تأتي من الخارج، انتفض الإثنين سريعًا واتجهوا إلى الخارج وهنا كانت الصدمة كان يقف حفيده والعديد من الرجال وأمامهم نعش، هبط الكهل الدرج بحذر شديد، واقترب من حفيده وتسأل بتوهان: -مين اللي في النعش يا ولدي؟ أجاب ببرود: -بنت عمي يا جدي. أنهار الجد وسقط على ركبتيه أمام نعش حفيدته وهو يردد بعدم استيعاب: -إنا لله وإنا إليه راجعون، قتلت بنت عمك؟ أخدت تارك من بنت عمك؟ رد بنفاذ صبر: -أنا مجتش جنبها نصيبها كده قدرها تموت. صاح الجد بانفعال: -وطالما إنتَ عارف إنه قدرها كده ليه إنت يا محترم مردتش بقضاء ربنا لما ابنك مات؟ واللي في بطنها حصله إيه؟ وزوجها ماتوا هما كمان؟ رد ببرود: -زوجها بيخلص في المستشفى والولد مات ومحجوز هناك أهل أبوه يستلموه وأنا هروح بنفسي أبلغهم. تبسم والده بفخر وقال: -زين يا ابني راجل من ضهر راجل أنا جاي وياك يلا بينا. تحرك هو ونجله وخلفهم الرجال، بينما ظل الكهل يجلس جثمان حفيدته بتحسر: -الله يرحمك يا بنتي الله يرحمك ويرحمنا من بعدك القيامة هتقوم والنار هتولع ومش هتطفي غير ببحور الدم لله الأمر من قبل ومن بعد. ٭٭٭٭٭ وصلت سامية إلى العقار الذي تقطن به حنين بعد أن أنهت دوامها، وقفت أمام باب الشقة المدون على الورقة التي بحوزتها ودقت الباب بخفة. بينما في الداخل كانت تتمد جوار الصغير الغافي بعد أن غادرت تلك الملاك التي كانت بمثابة هدية من القدر لها، استمعت إلى دق على باب الشقة نهضت بضعف شديد، ووضعت الحجاب فوق رأسها واتجهت إلى الباب وفتحته وجدت سامية أمامها. تبسمت الأخرى وهتفت معتذرة: -شكلي قومتك حقك عليا يا حبيبتي. ردت بوهن: -لأ ولا يهمك تشرفي في أي وقت طمنيني ابني اندفن؟ تنهدت الأخرى بأسف وقالت: -لأ هما استلموا والدة الطفل بس وابنك أهل الأب هما اللي هيجوا يستلموه. أغمضت عينيها بتحسر وقالت: -أه يا قلبي عليك يا ابني غصب عني. ربتت الأخرى على ظهرها بحنان وغمغمت قائلة: -كله خير يا بنتي. تنحت حنين جانبًا مفسحة لها المجال كي تدلف إلى الداخل: -اتفضلي. دلفت الأخرى برفقتها وأغلقوا باب الشقة خلفهم، جلسوا سويًا على الأريكة وهتفت حنين بانكسار: -كده حرام. قطبت سامية جبينها بحيرة وتسألت باهتمام: -هو إيه اللي حرام؟ أجابتها بانكسار: -ابني هينكتب باسم ناس تانيين وده حرام. تنهدت سامية عبو بأسف وقالت: -والله ما عارفة أقولك أيه طيب إنتِ تعرفي تتواصلي مع طليقك؟ يجي يسجله ويطلع تصريح الدفن؟ حركت رأسها نافية وهتفت بأسى: -مع الأسف معرفش حاجة عنه ولا حتى أعرف هو منين بالظبط في الصعيد. ضربت سامية كف بكف واستطردت بإبانة: -طيب كده مقدمناش حل يا بنتي الولد ده قبل ما يتدفن محتاج تصريح وده مش هيطلع من غير شهادة ميلاد ودي محتاجة أهل الأب العصب ربنا يسامحنا بإذن الله المهم طمنيني عنك إنتِ بخير؟ أومأت بايجاب: -الحمد لله. رددت الأخرى: -الحمد لله طيب إنتِ محتاجة حاجة يا حبيبتي؟ عفاف عملت ليكي أكل ولا أقوم أعملك؟ ردت بنبرة ممتنة: -تسلمي يا رب العالمين بصراحة هي مقصرتش معايا ولا إنتِ كمان إنتوا ولا كأنكم أهلي والله. ربتت سامية على ظهرها بحنان وقالت: -إنتِ اللي طيبة وبنت حلال عشان كده ربنا بيرزقك اللي شبهك الولد كويس؟ هزت رأسها بخفة وقالت: -أيوه كويس الحمد لله. تسألت سامية باهتمام: -رضعتيه ولا أنزل أجيبلك لبن؟ أجابت بهدوء: -رضعته اطمني. تبسمت سامية بارتياح وقالت: -الحمد لله ريحتي قلبي طيب ناقصك حاجة هدوم أو بامبرز للولد؟ حركت رأسها نافية وهتفت بصوت حزين: -لأ كل حاجة موجودة كنت جايبة كل حاجة لابني عشان عارفة اني لوحدي ومش هقدر اخرج. أومأت سامية بتفهم وقالت: -ربنا يصبر قلبك ويعوضك خير يا حبيبتي. نظرت في ساعة يدها وجدتها قاربت على السابعة مساءً، نهضت مستأذنة وقالت: -طيب هستأذن أنا يا حبيبتي العشاء خلاص هتأذن وهجيلك بكره بإذن الله. نهضت حنين مودعة إياها بلطف: -تنوري في أي وقت. غادرت سامية وأغلقت حنين باب الشقة جيدًا، وتحركت بتثاقل تجاه غرفة النوم، وجدت الصغير مستيقظ ويحرك عينيه ببراءة، تحركت تجاهه وتمددت جواره وطالعته بحنان: -يا حبيبي يا ابني ربنا يقوملك أبوك بالسلامة ويصبر قلبي على فراقك يا ابني. أغمضت عينيها بتحسُر، وهتفت بصوتٍ خافتٍ: -خايفة أحبك أو أتعلق بيك يا ابني عشان عارفة إني هيجي وقت تفارقني فيه وترجع لأهلك. وضعت يدها فوق أحشائها وهتفت بمرارة: -امبارح كنت في بطني يا غالي والنهاردة هتبات في قبرك لله الأمر من قبل ومن بعد اللهم لا اعتراض على حكمك. صراخ الصغير قام بانتشالها من أحزانها، اعتدلت بوهن وقامت بحمله بحذر شديد، وأرفقته بصدرها كي يمتص حليبها ويسد جوعه، تأملته بحب وهو يصدر أصوات بريئة ثواني وأغمض عينيه ببراءة طفلٍ عفا بسلام، شبع قلبه واطمأن، فنام قرير العين. تبسمت بحب ووضعت قبلة حانية فوق جبهته، وانتظر حتى توقف عن الرضاعة ووضعته مرة أخرى فوق الفراش بحرص شديد ودثرته جيدًا، وتمددت بعدها مرة أخرى جواره، وأغمضت عيناها ولم يمر وقت قليل وسقطت في ثبات عميق. ٭٭٭٭٭ بالعودة إلى قصر عائلة حسان مرة أخرى، كان لا يزال على قلقه يحاول مهاتفة نجله أو الوصول إليه دون فائدة، وإلى جواره زوجته التي لا تكف عن البكاء أو النحيب، لا يدري كيف يجعلها تطمئن وتهدأ إذ كان هو الآخر أصبح قلقٍ بشدة ويشعر أن هناك خطب مع نجله لا محالة، وأثناء ذلك استمع إلى صوت طلق ناري بالخارج انتفض من مكانه هو وزوجته التي صاحت بهلع: -يا مصيبتي يا مصيبتي ضرب نار؟! ابني حصله حاجة أكيد. صاح زوجها بانفعال: -مصيبة تشيلك يا بعيدة أخرسي خالص وأقفلي خشمك أنا خارج أشوف في إيه وإنتِ خليكِ هنا. حركت رأسها نافية وصرحت بإصرار: -لأ رجلي على رجلك . زفر بضيق وتحرك إلى الخارج وزوجته تتبعه وجد شقيقه وأبناء عمومته وأبنائهم يقفون حاملين الس\لاح وفي مواجهتهم عائلة البنهاوي، اقترب من عائلته وتوقف في مواجهتهم وصاح بانفعال: -هي حصلت جايين تتهجموا علينا في دارنا بالس\لاح يا عائلة البنهاوي؟ إيه نسيتوا إننا أهل ونسايب وقريب هيبقى بينا دم؟! أجاب منير البنهاوي بتحدي: -إنتوا اللي نسيتوا الدم والنسب اللي بتتكلم عنه يوم ما ابن أخوك دهس حفيدي بعربيته وهرب. رد راغب بحدة: -اللي حصل حادثة عادية واللي كان كان ده قضاء وقدر وقولنا هنقدم كفن ودية وإنتوا اللي رفضتوا. صاح أحمد نجل منير بحدة: -ملايين الدنيا كلها متساويش ضافر ولدي الله يرحمه، ولو قضاء وقدر ابن أخوك هرب ليه وإنت؟ هربت ولدك ليه؟ على العموم إحنا مش جايين نتكلم أو نتعاتب أنا جاي أعرفك أن خلاص تار ولدي أخدناه خلاص وأما النسب اللي حضرتك بتتكلم عنه خلاص ولا فيه نسب ولا دم بت عمي ووالدها ماتوا خلاص. شهقت سعاد بصدمة وهي تضرب على صدرها: -يا مصيبتي ابني حصله إيه قتلتوا ولدي ؟! رد منير بشماتة: -ابنكم بين الحياة والموت في المستشفى وحفيدكم مات روحوا استملوه عقبال ابنكم بنتنا استلمناها وهندفنها. تراجع راغب إلى الخلف وسنده شقيقه سريعًا وهو يردد بصدمة: -ابني… تبسم منير بشماتة وقال: -البقاء لله يلا بالإذن رايحين ندفن بنتنا. تحدث أحمد بتشفي: -متقلقش يا حج أنا هبعتلك عنوان المستشفى في رسالة يلا يا رجالة. تحركوا جميعًا مغادرين لكن أوقفهم راغب بحدة: -لو ابني مرجعش بالسلامة موتكم كلكم هيبقى على ايدي. ٭٭٭٭٭ أثناء عودة الرجال همس منير لنجله: -تفتكر حسان هقوم منها؟ همس أحمد بنفي: -لأ معتقدش وحتى لو قام منها ابنه قصاد ابني إنتَ خايف منهم ولا إيه؟ رمقه والده شذرًا وقال: -اتجننت ولا إيه؟ هما بس يفكروا يقربوا مننا وهيكون آخر يوم ليهم في الدنيا هم شوية يلا خلينا نروح ندفن بنت عمك اللي راحت دي على ما تجهز للدفن فيها نص الليل وهتلاقي جدك قاعد جارها لسه عمال يعيط ويبكي حظه كمان ومش هيسكت أنا عارف. أجابه ببرود: -مش هي اللي أخدت صف الأعادي؟ كانت تطلق وهنصونها هي وابنها بس هي بقى اللي اختارت ربنا يرحمها بقى.

نوفيلا أقدار شيدت بالماضي

بقلم الكاتبة زينب سعيد القاضي

اترك تعليقاً إلغاء الرد

مقالات ذات صلة

الكـ،ـذبة الكبيرة!!!

قصة”عبد الرازق درويش” للكاتب مصطفى_ايمن_شحاتة

سعر العيش بقي رسمي خلاص

هذا الشاب أصبح فنان شهير راحل.. خمن من هو؟

كريم فهمي يحرج لميس الحديدي على الهواء.. ماذا فعل؟

مراتي طلبت الطـ،ـلاق فجـ،ـأة

اترك تعليقاً إلغاء الرد