اسكريبت شاكر وفريدة
الكاتبة زينب سعيد القاضي
الفصل الأول
قاعد في مكتبه يبص حواليه يمين وشمال.
مروة:مالك عمال تتلفت حواليك زي الحرامية كده ؟
شاكر :قولتلك بلاش تيجي المكتب العمال يقولوا ايه ؟
قعدت علي المكتب قدامه بدلع:يقولوا الي يقوله أحنا بنحب بعض ونتجوز.
شاكر :لسه بدري علي جوازنا انا مش عارف همهد لفريدة اصلا ازاي.
قامت وقفت وحطط ايدها في وسطها:نعم يعني أيه هتمهد ليها ايه مليش فيه .
شاكر :وطي صوتك هتفضحينا.
مروة :هفضح هو انت شوفت حاجة خلتني اسيب خطيبي وعشمتني بالجواز وفي الآخر عايز تخلع.
شاكر :فريدة وقفت جنبي كتير ومش هقدر اخلي بيها دي وقفة جنبي من البداية وكل ده هي ليها الفضل فيه مش هينفع أجي بعد ده كله أسيبها .
مروة :هو انا قولتلك سيبها دي بردوا مراتك أم عيالك ومينفعش تتخلي عنها.
شاكر :ومين قالك بقي أنها هتوافق أني أتجوز عليها ؟
مروة:لا بقي أنت بتتهرب رسمي ماشي يا علي بشوقك.
سابته ومشيت وهو قعد زعلان.
………
في شقة مروة.
قاعدة مع أمها عديلة.
عديلة:نعم يعني ايه يا بت مش هيتجوزك ؟
مروة:مش عارفة يا اما مجبهاش صريحة بس بيتهرب.
عديلة:طيب والعمل يا بنت بطني أحنا مصدقنا طاقة القدر تفتح لنا هنرجع للفقر تاني.
مروة:لا متقلقيش أنا هتصرف معاه بطريقته هخليه يجيلي راكع.
عديلة :وأزاي بقي يا بنت بطني مكنش خلع كده هي مراته وحشة يا بت ؟
مروة :هي حلوة بقي بس الجواز والخلفة الشاقة مبقتش تهتم بنفسها أمال بصلي علي ايه من الدلع .
عديلة:طيب ناوية علي أيه ؟
مروة :الجفا يا أما هو الي هيرجعه ليا.
عديلة :بس خليكي ناصحة يا بت ليهرب منك.
مروة:متقليش هخليه هو الي يجي ورافع نمر كمان.
عديلة :وقتها تبقي بنت عديلة علي حق.
……..
في شقة شاكر.
قاعد سرحان جت فريدة قعدت جنبه.
فريدة:مالك يا شاكر سرحان في ايه ؟
شاكر:مفيش بفكر في الشغل .
فريدة :خير في مشكلة ولا ايه ؟
شاكر:حاجة بسيطة متشغليش بالك.
فريدة:ماشي يا حبيبي لو حبيت تتكلم انا موجودة.
شاكر:صحيح الولاد فين ؟
فريدة:أنا جيت متأخر وهما ناموا.
