اسكريبت مريم

الجزء الثاني…. شريف: ليه يا أبني كده تكسر بخاطرها دي يتيمة ملهاش غيرنا كفاية وقفتها معانا وقت الحادثة بتاعتك سابت دراستها وقعدت هنا شهر كامل أحمد: كتر خيرها بس غصب عني يا بابا ساندي مش بترتاح ليها ووجودها هنا هيكون غير مرحب به شريف: بغض النظر أنها وقفت جنبك أكتر من ساندي بتاعتك بس ماشي يا أبني إلي انت شايفه أحمد: خلينا في المهم حضرتك وزعت الدعاوي علي كل الناس شريف: أطمئن كل حاجة جاهزة في مطبخ فتحية: خلاص يا بنتي متعيطش وتعملي في نفسك كده استهدي بالله مريم: هو ليه بيعمل فيا كده يا خالة أنا بحبه بجد فتحية: مريم اسمعيها مني يا بنت الغالية هو اه انتي زي القمر وهتبقي دكتورة في الجامعة بس احنا خدامين عندهم يا بنتي عشان لقمة العيش مريم: بس أنا حبيته فتحية: وهو مش بيحبك بيحب واحدة تانية وكلها يومين وهيتجوز مريم: أنا مش هقعد شهر انا همشي يوم كتب الكتاب مش هقدر أحضر الفرح فتحية: طيب هتروحي فين مش السكن قولتي مش هتروحي غير ما تستلمي الشغل عشان تدفعي فلوس السكن. مريم: هشوف حد من زمايلي أبعد عنده هو رافض وجودي من الآساس عشانها فتحية: لا حول ولا قوة الا بالله مش عارفة اقولك ايه يا بنتي هتقطعي بينا أبقي تعالي زوروينا مريم: حقك عليا مش هينفع اجي هنا تاني انتي ابقي تعالي اقعدي معايا كام يوم فتحية: حاضر يا بنتي حاضر ده انتي الغالية بنت الغالية في اليوم التالي شريف: اهلا اهلا استاذ شاكر اتفضل شاكر: اهلا بحضرتك احمد: اخبار حضرتك ايه يا عمي شاكر: بخير يا أبني انت الي أخبارك ايه احمد: بخير يا عمي ساندي مش بترد عليا ليه انا بقول اكيد عشان بكره كتب الكتاب ومكسوفة مني شاكر: والله انا جاي ليكم ورقبتي اد السمسمة مش عارف اقولكم ايه احمد: خير يا عمي ساندي كويسة شاكر: ايوة يا ابني بس هي مش عايزة نكمل الجوازة شريف: نعم مش عايزة ايه احمد: استني بس يا بابا نفهم شريف: نفهم ايه انت بتقول ايه يا استاذ شاكر بنتك عايزة تلغي الفرح قبلها بيوم انتوا بتهزورا شاكر: حقك عليا يا شريف بيه هي مش هتقدر تكمل شريف: نعم نعم مش هتقدر تكمل وجاية قبل الفرح بيوم تقول مش هتكمل طيب والفرح والناس هيقولوا ايه احمد: استني يا بابا لو سمحت يا عمي هي لو حابة نأجل الفرح مفيش مشكلة شريف: فرح ايه الي يتأجل يا احمد احمد: استني بس لو سمحت يا بابا شريف: استني أيه بس احمد: بابا لو سمحت شريف: حاضر أتخرست خلاص احمد: فهمني يا عمي في ايه شاكر: بصراحة يا أبني هي مش هتقدر تكمل معاك وانت ظروفك كده احمد: يعني ايه مش عايزة تتجوزني عشان بقيت عاجز شاكر: يا أبني مش القصد بس هي مش هتقدر تكمل معاك سامحني يا أبني يعلم ربنا حاولت معاها كتير والله عشان تقتنع رافضة شريف: رافضة وده كله قبل الفرح بيوم بنتك عايزة تفضحنا شاكر: مش بإيدي والله ما بإيدي حاولت معاها مشي موافقة لو خابب عندي استعداد اقول ان احمد هو ساب بنتي مش العكس شريف: لا كتر خيرك احمد: ساندي سابتني عشان بقيت عاجز صح شاكر: هي الي عاجزة يا ابني في قلبها وتفكيرها وواثق أنها هتندم علي الي عملته في يوم من الأيام احمد: ههههههه تندم بعد ايه ما كسرت قلبي وهتخلي الناس كلها تشمت فيا بكره انا محبتش في حياتي أد ما حبيت بنتك ودلوقتي مش بكره في حياته أد ما بكرها وياريت توصل ليها الرسالة ي أما بكرها ومش هسامحها علي كسرة قلبي شاكر: حقك يا بني معاك حق في كل كلمة قولتها الغلط عندي انا اني معرفتش اربي بنتي شريف: كويس انك عارف اتفضل يلا مع السلامة شاكر: حاضر بس أنا معاكم في اي طلب مني شريف: شكرا تبعد عنا انت وبنتك وبس شاكر: حاضر يا شريف بيه انا اسف مرة تانية شاكر قام مشي احمد : سابتني يا بابا عشان بقيت عاجز كانت بتتهرب مني عشان كده يا بابا مش عشان مكسوفة شريف: من اول يوم شوفتها فيه وانا عارف انها عمرها ما حبتك ولا هتحبك هي كانت بتحب فلوسك وبس أحمد: كفاية يا بابا كفاية مش عايز اسمع حاجة شريف: لا لازم تشمع عشان نشوف حل للمصيبة دي هنلغي الفرح ازاي احمد: مش عارف يا بابا مش عارف انا تعبان اوي وموجوع هي ليه تعمل كده هو الحادثة كانت بإرادتي دي إرادة ربنا مش ذنبي شريف: عارف انه مش ذنبك وانت مفيش حاجة تعيبك يا ابني والف واحدة تتمناك احمد: ههههههه الف واحدة يا بابا هي واحدة بس ومرضيتش بيا شريف: لانها مكنتش شايفاك من الأساس يا أحمد ولا عايزاك هي عايزة فلوسك المهم الفرح لازم يتم في معاده احمد: يتم في معاده ازاي هروح اتحايل عليها يا بابا عشان تتجوزني مش هيحصل شريف: ومين قالك ان ده هيحصل أنت هتتجوز فعلا بس واحدة تانية أحمد: واحدة تانية تبقي مين شريف: انا هتصرف إهدي انت بس وبلاش عصبية عشان رجلك أحمد: مبقتش فارقة يا بابا رجلي ما هي ضاعت خلاص باقي الرجل التانية هتروح هي كمان مش هتفرق شريف: بعد الشر عنك يا ابني ايه الي بتقوله ده احمد: عايزني اقول ايه يا بابا عايزني اقول ايه الغي الفرح يا بابا ونسافر من هنا ونمشي شريف: نلغي الفرح ونسافر فين الي بتقول عليه ده هروب يا أبني هروب….. يتبع…..

اسكريبت مريم

الكاتبة زينب سعيد القاضي

اترك تعليقاً إلغاء الرد

مقالات ذات صلة

⭕درجات الحرارة تخـ,ـرج عن السـ,ـيطرة وتتسبب في اندلاع حـ.ـرائق بإسـ..رائيل

الحـ،ـزن يسيطر على الفنانة عارفة عبد الرسول

اسكريبت شاكر وفريدة

مرات بابا

نقطة نيمو .. البقعة الغامضة على سطح كوكبنا التى لم يصل إليها أحد و أكثر البشر إقترابا منها هم رواد الفضاء

خديني معاكي يا ام سيد

اترك تعليقاً إلغاء الرد