اسكريبت مريم
الكاتبة زينب سعيد القاضي
ساندي:
بس هيفضل بردوا معاق يا بابا انت بتحاول تقنعني بأيه بس
شاكر:
والله يا بنتي ما في حد معاق غيرك
ساندي:
انا معاقة يا بابا ايه الي حضرتك بتقوله ده
شاكر:
ايوة معاقة في عقلك وفي تفكيرك يا بنتي هو لو انتي الي كنتي مكان خطيبك تفتكري هيسييك
ساندي:
لا طبعا ده بيموت فيا
شاكر:
عجبت لك يا زمن طيب ليه انتي بقي عايزة تسبيه وتتخلي عنه
ساندي:
لأني زي ما قولت ليك أنا بحب فلوسه مش بحبه هو لكن دلوقتي هو مبقاش يلزمني
شاكر:
يا خسارة يا بنتي يا ألف خسارة انا مصدوم فيكي يا بنتي للدرجة دي غلط في تربيتك
ساندي:
انا عشت طول عمري في فقر وذل من حقي بقي ابص لفوق زمان كنت تريقة الناس عشان الفقر دلوقتي عشان هتجوز واحد معاق
شاكر:
لا اله الا الله ذل وفقر واما بنعمة ربك فحدث يا بنتي عندك بيت ليه حطان أوياكي وبتاكلي وبتشربي وعايشة عايزة ايه تاني يا بنتي ناقصك ايه عشان تقولي كده
ساندي:
ناقصني اعيش زي بقية البني أدمين يا بابا وأطلع لفوق وألعب بالفلوس
شاكر:
ههههه طول ما أنتي بتفكري كده هتفضلي طول عمرك زي ما أنتي يا بنتي يا خسارة يا الف خسارة اقول ايه انا للناس دلوقتي
ساندي:
قول الي تقوله يا بابا لو مش عارف أو مش هتقدر عندي أنا
إستعداد أروح اقوله
شاكر:
تروحي تقوليله عشان توجعيه وتذليه تاني يا بنتي جبتي قسوة القلب منين بس
ساندي:
بابا كفاية بقي حكم ومواعظ الي طول عمري عايشة فيها دي
شاكر:
طول عمرك عايشة فيها لكن مع الأسف يا بنتي ما أثرتش فيكي
ساندي:
انا خارجة مع صحابي سلام
في فيلا كبيرة.
شريف:
مالك يا احمد سرحان ليه
احمد:
ساندي يا بابا مبقتش تتصل بيا خالص ولا تسأل عني انا إلي بتصل بيها دايما وأوقات كتير مش بترد
شريف:
متشغلش بالك يمكن مش فاضية او عندها ظرف يا ابني
احمد:
ظروف اهم مني يا بابا
شريف:
مش عارف يا أبني مش عارف خلاص كتب كتابكم بعد بكره
أحمد:
ده الي مريح قلبي شوية
شريف:
خير يا حبيبي متقلقش
مريم:
صباح الخير يا شريف بيه صباح الخير يا استاذ أحمد أخبار حضرتك ايه
شريف:
صباح الخير يا بنتي
احمد:
صباح النور
مريم:
تحب أجيب لحضرتك القهوة
شريف:
