اسكريبت مريم

الجزء الأول…..

ساندي:..

نعم أنت عايزني أنا اتجوز المعاق ده لا طبعا مش هيحصل

شاكر:

ليه يا بنتي بس مش ده خطيبك ايه الي جد دلوقتي

ساندي:

انت بتهزر يا بابا بتسأل ايه الي جد الي جد انه عمل حادثة ومعاق بقي من غير رجل

شاكر:

ودي فيها ايه قضاء وقدر

ساندي:

قضاء وقدر ماشي ربنا يتولاه لكن جواز للشخص ده مش هتجوزه يا بابا انت عايز اصحابي يضحكوا عليا وابقي تريقة وسطهم

شاكر:

هو المرض كمان في تريقة

ساندي:

أيوة يا بابا في تريقة قولي هخرج معاه ازاي مع صحابي

شاكر:

زي ما كان بيخرج معاكي قبل كده أنتي وصحابك الصيع ويصرف عليكم دلوقتي بقي وحش عليه كخة

ساندي:

اه زمان كان بيخرج علي رجليه لكن دلوقتي مركب طرف صناعي وماشي علي عكاز

شاكر:

أنا مش فاهمك انتي عايزة توصلي لأيه بالظبط بكلامك ده كتب كتابكم بعد بكره يعني مفيش مجال أرجع في كلامي مع الناس

ساندي:

وانا مش هتجوزه يا بابا واحسن ليك وليهم بدل الفضايح إلي ممكن تحصل وأحنا في غنا عنها الجوازة تتلغي

شاكر:

واقوله السبب ايه انطقي اقوله السبب ايه ان خطيبتك الي المفروض تكون بتحبك وتقف جنبك وتساندك في محنتك مش عايزة تتجوزك دلوقتي شان بقيت معاق وصحابي هيتريقوا عليا

ساندي:

ايوه اقوله كده هي مش دي الحقيقة يعني

شاكر:

حقيقة انتي مجنونة يا بت انتي حقيقة ايه طيب ثواني لو كنتوا اتجوزتوا وحصلت الحادثة فعلا كنتي هتعملي ايه وقتها

ساندي:

هطلق بردوا أزاي أفضل مع واحد زي ده

شاكر:

واحد زي ده انتي اتجننتي يا ساندي انتي مش كنتي بتحبيه يا بنتي

ساندي:

انا كنت بحب فلوسه مش بحبه هو تفرق

شاكر:

تفرق اه فعلا تفرق يا بنتي اول مره اشوفك كده واعرف انك غدارة

ساندي:

غدارة عشان خايفة علي نفسي الناس هتفضل تتريق عليا وبعدين انا هتكسف أمشي مع راجل عاجز في الشارع حضرتك كده كأنك بتحكم عليا بالموت

شاكر:

الموت لا حول ولا قوة الا بالله يا بنتي أعقلي واستهدي بالله

ساندي:

انا هادية اهو يا بابا بس بردوا لا ريح نفسك وريحني انا مش هتجوز معاق

شاكر:

طيب خلينا نتكلم بالهدواة يا قلب ابوكي العكاز مش دايم هو ياخد علي الطرف الصناعي وهيمشي عادي علي رجله طبيعي فهماني يا بنتي