نوفيلا أقدار شيدت بالماضي

الفصل الثامن «صدفة أم قدر؟» صباح يوم جديد، وصلت سامية إلى المستشفى وأول شيء قامت به هو زيارة حسان، دلفت غرفة الرعاية المركزة وجدته مستيقظًا ويتطلع إلى السقف بشرود. اقتربت سامية بخطواتٍ مترددة، حاولت أن تُخفي اضطرابها بابتسامةٍ خافتة، لكن صوت الأجهزة المنتظمة على جانبه كان يُذكّرها بضعف حسان وحالته الحرجة. قالت بصوتٍ هادئ: -صباح الخير يا أستاذ حسان أخبار حضرتك إيه النهاردة؟ حرّك رأسه ببطء نحوها، نظر إليها بعينين تملؤهما الإرهاق، ثم قال بصوتٍ خافت: -صباح النور الحمد لله مكنتش متوقع إن يطلع عليا الصبح من الأساس. وقفت قربه، وتحدثت بلطف، وهي تحاول أن تبثّ فيه بعض الطمأنينة: -إيه اللي بتقوله بس ده إنتَ الحمد لله بقيت بخير خلاص، المهم إنك كويس وبالنسبة للي حصل معاك خليك واثق من إنك أقوى من اللي مريت به، وخلاص عديت منه وطلعت من مرحلة صعبة، والحمد لله الأطباء متفائلين بحالتك دلوقتي. ابتسم ابتسامة باهتة وقال: -أنا مش خايف من الموت، أنا خايف من اللي هيحصل لما أطلع من هنا الحمد لله. شعرت سامية بأن وراء كلماته ما هو أعمق من الخوف، كأن في قلبه سرًّا لم يُبح به بعد، فتنهدت بقلة حيلة وحسمت أمرها: -أستاذ حسان في حاجة لازم حضرتك تعرفها. انتبه لها وتسأل باهتمام: -حاجة إيه؟ طالعته بتردد وسرعان ما حسمت أمرها، وألقت حديثها دفعة واحدة: -ابنك لسه عايش. اتسعت مقتليه مرددًا حديثها بعدم استيعاب: -ابني مين؟ أجابته بثقة: -ابنك اللي المدام الله يرحمها كانت حامل فيها. ردد بعدم استيعاب: -إزاي هو مش مات معاها؟ حركت رأسها نافية واستطردت بإبانة: -لأ عايش. قطبت جبينه بعدم فهم وتدارك مستفهمًا: -عايش إزاي وهو فين أنا مش فاهم حاجة؟ أخذت نفس عميق وقالت: -هحكيلك كل حاجة. انصت لها باهتمام، وسردت هي كل شيء له منذ أن وصل إلى المستشفى هو وزوجته في حالة حرجة إلى أن وصلت إلى هذه اللحظة التي تقف أمامه فيها، كل هذا وهو يستمع إليها بصدمة كبيرة لا يصدق ما يحكى يشعر أنه في حلمًا وليس حقيقة…. أنهت حديثها وهتفت بإبانة: -ابن حضرتك بخير وأول ما تخرج بالسلامة تقدر تشوفه وعشان تتأكد إنه ابن حضرتك تقدر تعمل ليه تحليل DNA كمان أنا عارفة إني غلط لما بدلت الأطفال بس غصب عني أنا كنت بحمي الولد والله. طالعها بعدم تصديق وتسأل: -الولد اللي اندفن ده أتسمى على اسمي أنا ومراتي؟ وابني أتسمى باسم ناس تانين؟ حركت رأسها نافية واستطردت بإيضاح: -الولد اللي اندفن هو اللي اتسجل باسم حضرتك إنت والمدام، لكن ابن حضرتك متسجلش لإن الست مطلقة، فمقدرناش نسجله. رمقها ساخرًا، وتسأل باهتمام: -ممكن أفهم ليه مقولتيش لأهلي طول الشهر ده؟ أجابت بأسف: -كنت خايفة على الطفل كان عندي أمل إن حضرتك تفوق وأبلغك والحمد لله حضرتك فوقت، ولو لقدر الله ربنا أراد واسترد أمانته كنت هبلغ أهل حضرتك، ربنا عالم إني كنت خايفة على الولد وعملت كده عشان أحميه. تنهد بأسى وقال: -عايز أشوفه. أومأت بتفهم: -أول لما حضرتك تقف على رجلك بالسلامة بإذن الله هودي حضرتك للست وتستلمه منها هسيب حضرتك ترتاح بعد إذنك. غادرت إلى الخارج تاركة إياه منصدمًا لا يصدق ما استمع إليه هل لا يزال طفله على قيد الحياة بالفعل؟ ٭٭٭٭٭ دلف والديه بعد قليل وجوده شاردٍ بتلك الحالة، فركضت والدته سريعًا تجاهه وتساءلت بلهفة: -مالك يا حبيبي إنتَ كويس؟ التفت إليها وأجاب بشرود: -ابني عايش. قطبت جبينها بحيرة وتسألت: -ابنك مين؟ تسأل والده باهتمام: -في إيه يا ابني إحنا مش فاهمين حاجة؟ سرد لهم ما قالته الممرضة، وسط صدمتهم وفرحتهم في آن واحد، فقد عاد نجلهم إلى الحياة بعد موت محتوم، وحفيدهم لا يزال على قيد الحياة حي يرزق… صاح راغب بلهفة: -طيب الولد فين؟ أجابه بضعف: -مع الست لما أخرج من هنا هاخده منها. هتفت والدته بلهفة: -لأ لأ ليه نستنى لما تخرج أنا وأبوك نستلمه منها. حرك رأسه نافيًا وقال: -لأ الأفضل لما أخرج من هنا وأقف على رجلي هروح استلمه منها وأعمل تحليل DNA وأول ما يطلع هيطلع ليه شهادة ميلاد وهرجع معاكم البلد أنا وابني. تنهد والده بقلة حيلة وقال: -زي ما تحب يا ابني بس بردو مش عايزين نسيب ابننا مع واحدة غريبة. رد باختصار: -الغريبة دي ليها الفضل بعد ربنا إن ابني لسه عايش يا بابا… أومأ والده بتفهم: -في دي عندك حق طيب والولد اللي أتسمى على اسمنا وأدفن في مدافنا؟ طيب الدفن عادي أهو ثواب لكن يا ابني الاسم. مط شفتيه بحيرة وقال: - أستلم ابني وقتها نشوف الموضوع ده يا بابا. ٭٭٭٭٭ مساء ذهبت سامية إلى شقة حنين وأخبرتها أنها أخبرت والد الطفل الحقيقة وإنه سيأتي لأخذه في القريب العاجل.. ساد صمت ثقيل للحظة، قبل أن تنهض حنين بوجه شاحب وعينين دامعتين، وقالت بصوتٍ مكسور: -يعني كده خلاص كلها أيام ووالده يأخذه؟! مش هقدر بجد أنا تعلّقت بيه، صار جزء مني، من أيامي، من نفسي. ردت سامية بإشفاق: -استهدي بالله كده واعقلي إحنا قُلنا إيه؟ ده والده ودول أهله هما أولى بيه يا حبيبتي، وإنتِ من حقك تشوفي حياتك وتبدأي من جديد… لم تحبها بينما ظلت تبكي بانكسار، فاقتربت منها سامية تحاول تهدئتها، لكن حنين تابعت بعصبية: -يمكن هو والده، بس أنا اللي سهرت عليه، أنا اللي شلته في حضني، أنا مش عارفة هقدر أعيش من غيره إزاي بس؟ اللهم لا اعتراض على قضائك بل أسألك اللطف فيه. أخفضت سامية رأسها في حرج، وشعرت أن كلماتها كانت أقسى مما توقعت، بينما كانت حنين تضم الطفل إلى صدرها كأنها تخشى أن ينتزعه أحد منه. ٭٭٭٭٭ مرت عدة أيام تحسنت في حالة حسان عن زي قبل، واستعاد صحته نوعًا ما، وبعد أن اطمئن الأطباء على صحته وصرحوا بخروجه من المستشفى…. صباح يوم جديد يحمل في طيّاته الأمل والتفاؤل، وكأنه صفحة بيضاء تنتظر أن نكتب عليها قصصنا وأحلامنا بخطوطٍ من العزيمة والإصرار. تشرق الشمس فتغسل وجه الأرض بنورها الذهبي، وتبعث في القلوب دفئًا يوقظ الرغبة في العمل والعطاء. وفي هذا الصباح، يتجدد الإيمان بأن كل يوم فرصة جديدة لبداية مختلفة، وتصحيح ما مضى، ومواصلة السعي نحو ما نريد. هو صباح يهمس لنا بأن الحياة لا تتوقف عند الأمس، وأن القادم قد يحمل من الخير ما لم نتخيله. فلتكن خطواتنا فيه واثقة، وقلوبنا مطمئنة. استيقظ حسان بنشاط، فاليوم هو يوم خروجه من المستشفى أخيرًا، واليوم أيضًا سيرى طفله للمرة الأولى. مشاعر كثيرة تختلط داخله؛ فرحٌ يفيض في قلبه بعد أيامٍ من التعب، وامتنان عميق لكل لحظة نجاةٍ عاشها، وحنينٌ جارف، نهض بتثاقل واتجه إلى المرحاض ووقف أمام المرآة، يتأمل ملامحه التي أنهكها المرض لكنها تلمع الآن بوميض الأمل. في عينيه دمعة لا يعرف أهي دمعة فرح أم ارتياح، أم كليهما معًا. حين حمل حقيبته الصغيرة وغادر الغرفة، شعر وكأنه يطوي فصلًا من الألم ليبدأ آخر أكثر إشراقًا. أمام الغرفة كان والديه في انتظاره، وقف أمامهم بابتسامة، تحدث والده بلطف: -جاهز يا حبيبي؟ أومأ بايجاب: -أيوه يا بابا. تساءلت والدته بلهفة: -هنروح على العنوان نجيب الولد؟ حرك رأسه بايجاب وقال: -أيوه مدام سامية أدت لحضرتك العنوان؟ هز رأسه بخفة وقال: -أيوه وطلبت عربية أجرة بره في انتظارنا. هتفت بفرحة: -على خير يا رب العالمين يلا بينا. تحرك ثلاثتهم مغادرين المستشفى متوجهين إلى وجهتهم الأخرى كي يرو طفلهم الحبيب. في الخارج، كانت الشمس تنتظره كأنها تحتفل به، والهواء العليل يلامس وجهه فيذكّره بأن الحياة ما زالت جميلة، وأن لقاءه بطفله سيكون أجمل لحظةٍ في عمره كله. استقلوا سيارة أجرة كي تقلهم إلى العنوان، والذي كان بمثابة صدمة إلى حسان. ٭٭٭٭٭ في شقة حنين كانت تجلس على الأريكة وصغير في أحضانها تضمه تارة وتقبله تارة أخرى ودموعها لا تتوقف عن الهبوط، وإلى جوارها سامية تحاول تهدئتها دون فائدة، والأدهى أن الصغير يبكي هو الآخر على بكائها كأنه علم أن موعد الفراق قد حان، فيشاطرها حزنها. تحدثت سامية بحنان: -صلي على النبي كده يا حبيبتي واهدي الراجل على وصول يجي يشوفك بالوضع ده؟ أجابتها بانكسار: -يمكن لما يشوفني كده قلبه يحن ويسيبه ليا. تنهدت الأخرى بأسف وقالت: -بلاش تعشمي نفسك بحاجة مش هتحصل يا حبيبتي محدش بيسيب عياله لحد ودول مش أي حد دول صعايدة يا بنتي يعني أهم حاجة عندهم الضنا. سكتت حنين للحظة، ومسحت دموعها بطرف كُمّها المرتجف، لكنّها ما لبثت أن عادت لتحتضن صغيرها بقوة كأنها تخشى أن يُنتزع منها في أية لحظة. كانت نظراتها معلّقة بوجهه الصغير، تتأمل تفاصيله بشغفٍ مكسور — أنفه الصغير الذي يشبه والده، وابتسامته التي ورثها عنه رغم غيابه. همست بصوتٍ مبحوح: - طب هو مش ابني برضه؟ مش أنا اللي رضعته يعني أنا أمه في الرضاعة مش من حقي أشوفه يكبر قدامي؟ وضعت سامية يدها على كتفها في حنان وقالت بهدوءٍ فيه بعض المرارة: – الدنيا مش دايمًا بتدي الحق زي ما إحنا عايزين. يمكن الأيام تعوضك بزوج صالح وطفل من لحمك ودمك يا حبيبتي صلي على النبي كده وسبيها تمشي زي ما تمشي تدابير ربنا بتكون الخير لينا المطلوب منك دلوقتي إنك لازم تبقي قوية. انفجرت حنين في بكاءٍ مكتوم وهي تردد: – مش عارفة أكون قوية وهو هيتاخد مني أنا خلاص تعودت على وجوده في حياتي.. لم تجد سامية ما تقول، فاكتفيت بأن احتضنتها والصغير بين ذراعيها، بينما كان صوت بكاء الطفل يمتزج بصوت أنين أمه، حتى صار الحزن في الشقة كأنه كائنٌ ثالث جالسٌ بينهما، يشاركهما الصمت والانتظار حتى تحين اللحظة التي سينتزع منهم فيها… يُتبع ….

نوفيلا أقدار شيدت بالماضي

الكاتبة زينب سعيد القاضي

اترك تعليقاً إلغاء الرد

مقالات ذات صلة

الإعتراف_الأخير

خطيبة اخويا صعبانه عليه

كله طلع فنكووووش

علاقه سليمان عيد بالزعيم

سعر الذهب الآن

كريم محمود عبدالعزيز أحدثهم.. 3 شـ،ـائعات ارتبـ،ـاط طـ،ـاردت دينا الشربيني .. فين الحقيقة

اترك تعليقاً إلغاء الرد